Yoshua 1:9 - MUKANDA USANDU WA ZAMBI 1975

⁹ Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Mukanda Wa Zambi 1970

⁹ Chakwambile cho, nyi? Takama, hamuka. Kanda wivwa woma, kanda ulekumuka, mumu yami Mwene Zambi, Zambi ye, nguli ne kweswako mwoya.”

Yoshua 1:9 Iomraidhean Croise

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

2 Samuel 13:28

Absalome yatuma ngamba jenyi ngwenyi, Talenu kanawa, muze mbunge ya Amnone muyiwaha kanawa ni vinyu, ni yami mungunwamba ngwami, Lambenu Amnone, himushihenu, kanda nwivwa woma. Ngwami, hinanwaha shimbi. Hamukenu; takamenu.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

2 Sango Ja Mianangana 15:7

Alioze takamenu; moko jenu kanda akokoloka, mumu manukundulwila milimo yepu.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Izaya 8:12

Chize wano atu matongola ngwo, Utwahe, kanda uchitongola yena ngwe, Utwahe. Chize o mavwila woma, kanda uchivwila woma yena, chipwe kwivwa mwongo.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Hagai 2:4

Alioze Yehova kanambe ngwenyi, Ena Zorobabele, hamuka! Ni yena sasendote mukwa kutwe Yoshua mwana Jehozadake, hamuka! Ni yenu atu eswe a chifuchi, hamukenu! Chocho kanambe Yehova. Yehova-wa-Tujita kanambe ngwenyi, Hondanganenu! Mumu kunguli hamwe ni yenu,

Hagai 2:5

nikulita ni chilakenyo chize nanuhele ha kukatuka ku Engitu. Spiritu yami katwama hakachi kenu; kanda nwivwa woma.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Shimbi 31:28

Ngukungulwilenu makulwana eswe a minyachi yenu, ni yilolo jenu, hanga nguhanjike maliji ano ku matwi jo, ngutambike malilu ni hashi akapwe chela cha kwakumisa.

Yoshua 1:10

Mba Yoshua yatuma yilolo ja atu ngwenyi,

Yoshua 1:17

Chize twononokene kuli Mose mu yuma yeswe, ni yena chizechene mutukwononokena. Chino wika, Yehova Zambi ye akapwe hamwe ni yena ngwe apwile ni Mose.

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Yoshua 10:25

Yoshua yamba kuli ayo ngwenyi, Kanda nwivwa woma hanji mwongo. Takamenu, hamukenu, mumu chocho Yehova malinga kuli akwa kole jenu eswe waze nwalinwa no.

Yoshua 10:8

Yehova yamba kuli Yoshua ngwenyi, Kanda wavwila woma mumu hinaakunjika mu moko je. Kechi kumana kumeso je, chipwe lunga umuwika.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

Yoshua 6:27

Chocho Yehova wapwile hamwe ni Yoshua, mba lufuma wenyi wayile chifuchi cheswe.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Akwa Kuyula 6:14

Yehova yatewuluka kuli iye ngwenyi, Yako mu tachi je jino jene, ukapulule A-Izalele ku moko ja A-Mindiane. Ngunakutumu yami.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.