Yoshua 1:8 - MUKANDA USANDU WA ZAMBI 1975

⁸ Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.

Mukanda Wa Zambi 1970

⁸ Mukanda uno wa Shimbi chatamba kuwalakana matangwa eswe. Uushinginyeka mwalwa ni ufuku, hanga umanunune yeswe yize yinasonewa mo. Mba muukawaha, muukayuka mu milimo ye,

Yoshua 1:8 Iomraidhean Croise

Ubutukilo 24:63

Izake yaya mu yambu ha chingoloshi akapukune. Yahetula meso jenyi, yamona kumanyi tumelu kaneza.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Miaso (Masamu) 119:15

Mungupukuna mu ndongo je; mungulemesa majila je.

Miaso (Masamu) 119:97

Shimbi ye kunayizanga chimwe! Yapwa kupukuna chami tangwa lieswe nganganga.

Miaso (Masamu) 119:99

Malinjekela nguli no kuhiana alongeshi jami eswe, mumu Shindakenyo je kupukuna chami.

Miaso (Masamu) 19:14

Maliji a mu kanwa liami, ni kupukuna cha mbunge yami chikapeme kumeso je, yena Yehova liwe liami, kanda Mukwa-Kungukula. Kuli Njimba mukwa lutwe. Samu lia David.

Miaso (Masamu) 40:10

Chaswekele ululi we mu mbunge yami, hinambujola kushishika che ni ulamwino we. Chaswekele utu wa zango lie ni umwenemwene we ku chikungulwila chinene.

Yishima 3:1

Mwanami, kanda uvulama longeso liami. Mbunge ye yikafunge shimbi jami,

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Mateu 7:24

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe:

Luka 11:28

Iye wambile ngwenyi, Ewa Shinaho, kawaha waze akwivwa liji lia Zambi nikulifunga.

Yoano 13:17

Kachi nunanyingika yino yuma, kachi nunawaha nyi munuyilinga.

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Shimbi 29:8

Yitutambula chifuchi cho, yituchihana kuli A-Rupene chihinga, ni kuli A-Ngate, ni ku chihanda cha munyachi wa A-Manase.

Shimbi 29:9

Kashika fungenu maliji a usendo uno, nwalinge, hanga nukawahe ni yeswe munukalinga.

Shimbi 30:14

Alioze liji lili hakamwihi chikolo ni yenu, mu makanwa jenu ni mu mbunge jenu, hanga nulilinge.

Shimbi 31:11

muze A-Izalele eswe makasoloka kumeso ja Yehova Zambi yenu kuze iye matongola, ukatange shimbi yino kumeso ja A-Izalele eswe, akayivwe.

Shimbi 31:24

Mba muze te Mose hamanununa kusoneka maliji a shimbi yino mu mukanda ndo hahwa,

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:32

Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Kolosu 3:16

Liji lia Kristu Ukatwame muli yenu lia kulumbama ni mana eswe; nikulilongesa nikulikanyamisa umwe ni mukwo, ni masamu ni miaso ni mimbo ya uspiritu, imbenu ni vumbi mu mbunge jenu kuli Zambi.

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 8:34

Mba yatanga maliji eswe a shimbi, ni chiwape ni shingo nikulita ni chize cheswe chasonewa mu mukanda wa shimbi.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.