Yoshua 1:7 - MUKANDA USANDU WA ZAMBI 1975

⁷ Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Mukanda Wa Zambi 1970

⁷ Takama lume, hamuka, funga kanawa Shimbi jeswe jize kavumbi kami Mose akulongesele. Kanda ulelesa Shimbi niyimwe, mba ukawahe kweswako muukaya.

Yoshua 1:7 Iomraidhean Croise

1 Yitanga Ya Mianangana 2:2

Ngunayi jila yize akuya akwa hashi eswe, kashika takama ukasoloke pundu uli lunga.

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,

1 MIANANGANA 22:2

Aye walingile chipema kumeso ja Yehova. Wendele mu ndako jeswe ja kalamba kenyi David, kahambulukile chipwe ku chindume chipwe ku chimeso.

1 Sango Ja Mianangana 22:13

Chocho mukawaha nyi mutala kanawa kulinga yiyulo ni upatwilo yize Yehova wambilile Mose ha kutwala kuli A-Izalele. Takama; pwako ni hamu linji; kanda wivwa woma chipwe kulishimwoka.

2 Sango Ja Mianangana 15:7

Alioze takamenu; moko jenu kanda akokoloka, mumu manukundulwila milimo yepu.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Jobe 1:8

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi.

Miaso (Masamu) 80:19

Yehova Zambi-wa-Tujita, ututewulule kama. Pangulwisa meso je mba mutupuluka.

Yishima 4:27

Kanda ukapiasukila chipwe ku chindume chipwe ku chimeso. Chiza kulu lie ku yipi.

Yishima 8:20

Kunakwenda mu jila ya ululi, he hakachi ka majila ja upatwilo,

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Kwalula 27:23

Yasayika moko jenyi hali iye, yamwaha shimbi chizechene ngwe Yehova ambile ku kanwa lia Mose.

Shimbi 11:8

Kashika, nufunge liji lieswe lia shimbi ngunanwambelio musono, hanga nutakame, nuhetemo ni kuzuka chifuchi, nunazauka mukuchizuka,

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 28:14

Kanda nukondoloka ku liji nilimwe lia maliji ngunanwambe musono, chipwe ku chindume, chipwe ku chimeso, mukukaula tuzambi tweka nikutuvumbika.

Shimbi 29:8

Yitutambula chifuchi cho, yituchihana kuli A-Rupene chihinga, ni kuli A-Ngate, ni ku chihanda cha munyachi wa A-Manase.

Shimbi 29:9

Kashika fungenu maliji a usendo uno, nwalinge, hanga nukawahe ni yeswe munukalinga.

Shimbi 31:7

Mose yasanyika Yoshua, yamba kuli iye kumeso ja A-Izalele eswe ngwenyi, Takama, uhamuke; mumu kumukaya ni wano atu ku chifuchi Yehova walishingile kuli tulamba two mukwaahacho, mukaatungisamo.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Shimbi 5:32

Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Yoshua 1:1

Kulutwe lia kufwa cha Mose kavumbi ka Yehova, Yehova yamba kuli Yoshua mwana wa Nune, kambaji ka Mose, ngwenyi,

Yoshua 1:8

Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 11:15

Chizechene ngwe Yehova watumine Mose kavumbi kenyi, chocho Mose watumine Yoshua, chocho Yoshua yalinga. Yoshua kahichikile chuma nichimwe cha yize Yehova watumine Mose.

Yoshua 23:6

Kashika jikizenu kufunga nikulinga yuma yeswe yinasonewa mu mukanda wa shimbi ya Mose. Kanda nukapiangukako, chipwe ku chindume, chipwe ku chimeso.