Yoshua 1:6 - MUKANDA USANDU WA ZAMBI 1975

⁶ Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Mukanda Wa Zambi 1970

⁶ Takama, hamuka, mumu yena muukatetekela atu wano mu chifuchi chino cha chihinga nalakenyene tushakulu two.

Yoshua 1:6 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

2 Samuel 10:12

Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

1 Yitanga Ya Mianangana 2:2

Ngunayi jila yize akuya akwa hashi eswe, kashika takama ukasoloke pundu uli lunga.

1 Sango Ja Mianangana 22:13

Chocho mukawaha nyi mutala kanawa kulinga yiyulo ni upatwilo yize Yehova wambilile Mose ha kutwala kuli A-Izalele. Takama; pwako ni hamu linji; kanda wivwa woma chipwe kulishimwoka.

1 Sango Ja Mianangana 28:10

Kanyama kanawa mumu Yehova hana-kutongola umutungile zuwo lia tembele. Takama uchilinge.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

2 Sango Ja Mianangana 15:7

Alioze takamenu; moko jenu kanda akokoloka, mumu manukundulwila milimo yepu.

2 Sango Ja Mianangana 20:11

Tala haliapwila chize anatukundulula. Haneza kutumbila mu chihinga che chino hiwatwaha kuswana.

2 Sango Ja Mianangana 20:7

Zambi yetu, te kwahumine akwa chifuchi chino kumeso ja atu je A-Izalele? Kwachihanyine kuli ana ja kasendo ke Apalahama ku miaka ya mutolo nyi?

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Hagai 2:4

Alioze Yehova kanambe ngwenyi, Ena Zorobabele, hamuka! Ni yena sasendote mukwa kutwe Yoshua mwana Jehozadake, hamuka! Ni yenu atu eswe a chifuchi, hamukenu! Chocho kanambe Yehova. Yehova-wa-Tujita kanambe ngwenyi, Hondanganenu! Mumu kunguli hamwe ni yenu,

Zakaria 8:9

Yehova-wa-Tujita kanambe ngwenyi, Yenu matangwa wano nwakwivwavwa maliji ano ku makanwa ja aprofeta chize ku tangwa lize asele fundamentu ya zuwo lia Yehova-wa-Tujita, moko jenu atakame hanga tembele yino yikatungiwe.

Kwalula 26:53

Akatetele wano chifuchi akachihinge nikulita ni kwalula cha majina jo.

Kwalula 33:53

Nukazuke che chifuchi, nukatwamemo, mumu hinachihana kuli yenu kuchizuka.

1 Korintu 16:13

Lenu, jikizenu mu Ufulielo, lingenu ngwe malunga, fundulenu.

Efesu 6:10

Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi.

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 11:8

Kashika, nufunge liji lieswe lia shimbi ngunanwambelio musono, hanga nutakame, nuhetemo ni kuzuka chifuchi, nunazauka mukuchizuka,

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

2 Timoteu 2:1

Kashika yena, mwanami, takama mu vumbi lize lili muli Kristu Yesu.

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 10:25

Yoshua yamba kuli ayo ngwenyi, Kanda nwivwa woma hanji mwongo. Takamenu, hamukenu, mumu chocho Yehova malinga kuli akwa kole jenu eswe waze nwalinwa no.

Yoshua 13:6

waze eswe atwama mu chifuchi cha milundu chize ku Lebano ndo ku Miserefote-maime, chipwe A-Sendone eswe, yami mwene mungwahuma kumeso ja A-Izalele; chino wika, ukatetele chifuchi hakachi ka A-Izalele chikapwe chihinga chizechene ngwe hinakwamba.

Yoshua 18:3

Kashika Yoshua yamba kuli A-Izalele ngwenyi, Ndo mwaka uka munulengama kunjila ni kutambula chifuchi chino hananwehecho kuli Yehova Zambi ya tulamba twenu?

Yoshua 21:43

Chocho Yehova wahanyine kuli A-Izalele chifuchi chize cheswe alishingile kuhana kuli tulamba two, mba muze hachizuka achitungile.

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.

1 Samuel 4:9

Enu A-Filistea! Takamenu, pwenu malunga kuchina munupwa ngamba kuli A-Hepreu chizechene ngwe ayo hapwa kuli yenu. Asenu jita ngwe nuli malunga.