Yoshua 1:5 - MUKANDA USANDU WA ZAMBI 1975

⁵ Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Mukanda Wa Zambi 1970

⁵ Ha matangwa eswe a mwono we niumwe kechi kuhasa ku kukumba. Mungubwa hamwe ni yena ngwe chize nabwile hamwe ni Mose. Chichi kakuhichika hanji kukwehuka nichimwe.

Yoshua 1:5 Iomraidhean Croise

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

1 Yitanga Ya Mianangana 1:37

Yehova akapwe hamwe ni Solomone chizechene ngwe hapwa ni mwene wami mwanangana akapwise ngunja yenyi yinene kuhiana ngunja ya mwene wami mwanangana David.

1 Yitanga Ya Mianangana 11:38

Nyi mupanjika ku yuma yeswe ngunakwambe ukende mu majila jami, ukalinge yize yinapeme kumeso jami, ukafunge yiyulo yami ni shimbi jami ngwe kavumbi kami David, nyi chocho mungukapwa hamwe ni yena, mungukakolesa munyachi we ngwe nakolesele wa David; mungukwaha Izalele.

1 Yitanga Ya Mianangana 6:13

Kumungukatwama hakachi ka A-Izalele. Chichi kwehuka atu jami A-Izalele.

1 Yitanga Ya Mianangana 8:57

Yehova Zambi yetu akapwe hamwe ni yetu chizechene ngwe wapwile ni tulamba twetu. Kanda atuhichika, kanda atwehuka.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Shimbi 20:4

mumu Yehova Zambi yenu anayi hamwe ni yenu, mukunwashila jita ni akwa kole jenu mukunulamwina.

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Shimbi 4:31

Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

Shimbi 7:24

Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 1:17

Chize twononokene kuli Mose mu yuma yeswe, ni yena chizechene mutukwononokena. Chino wika, Yehova Zambi ye akapwe hamwe ni yena ngwe apwile ni Mose.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 10:8

Yehova yamba kuli Yoshua ngwenyi, Kanda wavwila woma mumu hinaakunjika mu moko je. Kechi kumana kumeso je, chipwe lunga umuwika.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

Yoshua 6:27

Chocho Yehova wapwile hamwe ni Yoshua, mba lufuma wenyi wayile chifuchi cheswe.

Akwa Kuyula 2:18

Muze Yehova waahele mukwa kwayula, Yehova wapwile hamwe ni mwe mukwa kwayula, nikwalamwina ku kwoko Ha akwa kole jo matangwa eswe a mwe mukwa kwayula, mumu chavwishile Yehova keke kwivwa mikuma yize atwile mumu hali waze aapinjishile nikwahungumiona.

Akwa Kuyula 6:16

Yehova yamba kuli iye ngwenyi, Alioze yami mungukapwa hamwe ni yena mba mukalamba A-Mindiane ngwe mutu umuwika.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.