Yoshua 1:2 - MUKANDA USANDU WA ZAMBI 1975

² Kavumbi kami Mose hafwa, kashika katuka uzauke Yordau yono, ni yena ni wano atu eswe, nukanjile mu chifuchi chize ngunahane kuli A-Izalele.

Mukanda Wa Zambi 1970

² “Kavumbi kami Mose hafwa. Haliabwila katuka, yena ni atu wano eswe, zaukenu Yordau, hanga nunjile mu chifuchi chize ngunahe Aisraele.

Yoshua 1:2 Iomraidhean Croise

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Nehemia 9:23

Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Jobe 1:8

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Kwalula 12:7

Kuchapwile chocho ni kavumbi kami Mose, iye mutu wa jika mu zuwo liami lieswe.

Shimbi 3:28

Alioze uhane shimbi kuli Yoshua umukolese umujikijise, mumu iye makazauka kumeso ja atu ano, iye makaatungisa mu chifuchi yena mumona.

Shimbi 31:7

Mose yasanyika Yoshua, yamba kuli iye kumeso ja A-Izalele eswe ngwenyi, Takama, uhamuke; mumu kumukaya ni wano atu ku chifuchi Yehova walishingile kuli tulamba two mukwaahacho, mukaatungisamo.

Shimbi 34:5

Chocho Mose, kavumbi ka Yehova, yafwila mu chifuchi cha Moape nikulita ni liji lia Yehova.

Yoshua 1:1

Kulutwe lia kufwa cha Mose kavumbi ka Yehova, Yehova yamba kuli Yoshua mwana wa Nune, kambaji ka Mose, ngwenyi,

Yoshua 1:11

Palikenu hakachi ka chilombo nukatume e atu ngwenu, Lulikenu kulia chenu mumu ha matangwa atatu munuzauka Yordau yono nukanjile nukazuke chifuchi Yehova Zambi yenu kananwehe kuzuka.