Yoshua 1:17 - MUKANDA USANDU WA ZAMBI 1975

¹⁷ Chize twononokene kuli Mose mu yuma yeswe, ni yena chizechene mutukwononokena. Chino wika, Yehova Zambi ye akapwe hamwe ni yena ngwe apwile ni Mose.

Mukanda Wa Zambi 1970

¹⁷ Mutukwononokena ngwe chize twononokenene Mose matangwa eswe. Mwene Zambi, Zambi ye, abwe hamwe ni yena ngwe chize abwile hamwe ni Mose!

Yoshua 1:17 Iomraidhean Croise

2 Samuel 14:17

Mba yami kavumbi kenu nambanga ngwami, Liji lia mwene wami mwanangana likapwe lia kuhwimisa. Mumu mwene wami mwanangana wapwa ngwe mungelo wa Zambi kusa chinyingi hakachi ka yipema ni yipi. Yehova Zambi yenu apwe hamwe ni yenu.

1 Yitanga Ya Mianangana 1:37

Yehova akapwe hamwe ni Solomone chizechene ngwe hapwa ni mwene wami mwanangana akapwise ngunja yenyi yinene kuhiana ngunja ya mwene wami mwanangana David.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

Miaso (Masamu) 20:1

Yehova akukumbulule mu tangwa lia lamba. Jina lia Zambi ya Yakomba likuzundule kwilu.

Miaso (Masamu) 20:4

Akwehe chize unazange mu mbunge ye; akamanunune yiyulo ye yeswe.

Miaso (Masamu) 20:9

Yehova lamwina kama. Mwe mwanangana atukumbulule muze mututambika. Kuli Njimba mukwa lutwe. Samu lia David.

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Kwalula 27:20

Usele hali iye chihanda cha ulemu we, hanga chikungulwila cheswe cha A-Izalele akazeye.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

Shimbi 34:9

Yoshua, mwana wa Nune, wazalile tò ni Spiritu ya mana, mumu te Mose hasayika hali iye moko jenyi. A-Izalele yapanjika kuli iye, yalinga ngwe Yehova ambile Mose.

Yoshua 1:16

O yakumbulula kuli Yoshua ngwo, Yuma yeswe watutuma mutulinga; kweswako mututuma mutuya.

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 4:14

Tangwa lize Yehova wanangamishine Yoshua kumeso ja A-Izalele eswe. Amuvwilile woma chizechene ngwe avwilile woma Mose matangwa eswe a mwono wenyi.

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.

1 Samuel 20:13

Alioze nyi tata mazanga kukulinga chipi Yehova achilinge kuli yami Jonatas nikuwezaho nawa nyi chakulwezelecho nikukushika ukaye ni sambukila. Yehova akapwe ni yena chizechene ngwe hapwa ni tata.