Yoshua 1:15 - MUKANDA USANDU WA ZAMBI 1975

¹⁵ ndo Yehova mahana uhwimino kuli akwenu ngwe hanwaha yenu, no nawa hazuka chifuchi Yehova Zambi yenu kanaahe. Mba kulutwe munuhilukila chifuchi cha chihinga chenu nuchizuke, ngwami, chifuchi chize Mose mwe kavumbi ka Yehova wanuhele mu sali lia Yordau ku Chivumbuko.

Mukanda Wa Zambi 1970

¹⁵ ndoo ni muze haatambula chifuchi musali lia Yordau ku chitokelo, chize Mwene Zambi ahele. Muze hahana uhwimino ku mavungu eswe ja Israele, mba munukahiluka ni kutwama mu chifuchi chenu ku chivumbuko cha Yordau, chize Mose, kavumbi ka Mwene Zambi, hananwehe.”

Yoshua 1:15 Iomraidhean Croise

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

1 Korintu 13:5

Kulishi kulinga ngwe kuchatele, kulishi kufupa yuma yenyi mwene, kulishi kutenuka nikawashi; kulishi kushinginyeka yipi;

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Galashia 6:2

Limbachilenu yilemu umwe hali mukwo, ni chocho munumanununa shimbi ya Kristu.

Shimbi 3:18

Yingunwamba ha mwaka uze ngwami, Yehova Zambi yenu hananwehe chifuchi chino chihinga. Munuzauka ni yitwa yenu kumeso ja akwenu, A-Izalele, malunga eswe a hamu.

Shimbi 3:20

ndo Yehova mahana uhwimino kuli akwenu ngwe ahanyine kuli yenu, mba o nawa azuke chifuchi Yehova Zambi yenu anaahecho mu sali lia Yordau; henaho munuhiluka mutu ni mutu ku chihinga chenyi nanuhelecho.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Filipu 2:4

Kanda nutala mweswe wa kuli yenu ku yuma yenyi mwene, alioze mweswe wa kuli yenu akatale ku yuma ya akwo nawa.

Yoshua 1:1

Kulutwe lia kufwa cha Mose kavumbi ka Yehova, Yehova yamba kuli Yoshua mwana wa Nune, kambaji ka Mose, ngwenyi,

Yoshua 1:14

Mapwo jenu, ni ana jenu akepe, ni yimuna jenu, o masala mu chifuchi Mose wanuhele sali lize lia Yordau. Alioze yitakame, akwa hamu eswe hakachi kenu o mazauka ni yitwa yo kulutwe lia akwenu nukaakwase,

Yoshua 1:16

O yakumbulula kuli Yoshua ngwo, Yuma yeswe watutuma mutulinga; kweswako mututuma mutuya.

Yoshua 22:1

Henaho Yoshua yasanyika A-Rupene, ni A-Ngate, ni chihanda cha ha muchima cha munyachi wa A-Manase,