Yoshua 1:14 - MUKANDA USANDU WA ZAMBI 1975

¹⁴ Mapwo jenu, ni ana jenu akepe, ni yimuna jenu, o masala mu chifuchi Mose wanuhele sali lize lia Yordau. Alioze yitakame, akwa hamu eswe hakachi kenu o mazauka ni yitwa yo kulutwe lia akwenu nukaakwase,

Mukanda Wa Zambi 1970

¹⁴ Mapwo ni ana jenu, ni ngombe jenu, maakasala mu chifuchi chino muno musali lia Yordau. Alioze tujita twenu maakalipakata ni kubalika kulutwe lia usoko wo ni kwakwasa mu jita,

Yoshua 1:14 Iomraidhean Croise

Kutuhuka 13:18

Alioze Zambi yajingisa e atu ku jila ya puya, ya kupalikila ku Kalunga-lwiji Muchila. A-Izalele nikwenda mu mikana akatukile ku chifuchi cha Engitu.

Kwalula 32:26

Ana jetu akepe, ni mapwo jetu, ni mapanga jetu, ni yimuna jetu eswe kumakapwa mu membo ja Ngiliate.

Shimbi 20:8

E yilolo ahanjike ni atu nawa ngwo, Lunga muka unevu woma, mbunge yenyi yinalezumuka? Ahiluke ku zuwo lienyi, kuchina mbunge ja akwo mujilela ngwe mbunge yenyi.

Shimbi 3:19

Alioze mapwo jenu, ni ana jenu akepe ni yimuna jenu (ngunanyingika ngwami, Nuli ni yimuna anji) kumakatwama mu membo jenu nanuhelo,

Shimbi 33:21

Yalitongwela chihanda chipema cha chifuchi. Kwenako afungile chihanda cha mukwa kuyula. Wejile kuli akwa lutwe a atu, walingile upatwilo wa Yehova ni shimbi jenyi ja ululi kuli Izalele.

Yoshua 1:13

Iwulukenu liji lize Mose kavumbi ka Yehova wanwambile ngwenyi, Yehova Zambi yenu kananululikila uhwimino. Kumakanwaha chifuchi chino.

Yoshua 1:15

ndo Yehova mahana uhwimino kuli akwenu ngwe hanwaha yenu, no nawa hazuka chifuchi Yehova Zambi yenu kanaahe. Mba kulutwe munuhilukila chifuchi cha chihinga chenu nuchizuke, ngwami, chifuchi chize Mose mwe kavumbi ka Yehova wanuhele mu sali lia Yordau ku Chivumbuko.

Yoshua 4:12

Ana ja Rupene, ni ana ja Ngate, ni chihanda cha ha muchima cha munyachi wa A-Manase azaukile nikumbata yitwa yo kumeso ja A-Izalele nikulita ni shimbi ja Mose.

Usolwelo 17:4

Ni pwo wazalile mahina ja ufungo ni ngengu, walejimine ni oru, ni mawe alemu, ni kakanga, kali ni musenge wa oru mu kwoko lienyi unazala ni yizelwokeso, te yuma ya luchisa ya utanji wenyi.