Yona 4:8 - MUKANDA USANDU WA ZAMBI 1975

⁸ Mba muze tangwa hiliavumbuka, Zambi yalulika fuji ya chivukuminya ya ku Chivumbuko, ni mwalwa yiutwa ha mutwe wa Yona. Yalezumuka, yeta kuli Zambi akafwe mumu yamba ngwenyi, Kuli yami Shinaho kutwa hi mwono ko.

Mukanda Wa Zambi 1970

⁸ Muze tangwa hiliavumbuka, Zambi yatuma fuji ya chivukuminya ya ku chivumbuko, mba Yona yalezumuka mumu ha kusasaminya cha tangwa ha mutwe wenyi, yazanga kwenyi kufwa. Ngwenyi: “Changutamba ngufwe lume, hi kutwama ko ni mwono.”

Yona 4:8 Iomraidhean Croise

Ubutukilo 41:6

Kumanyi yijikaula nona jikwo shimbiali jahuhuka, jakonyata ni fuji ya ku Chivumbuko.

1 Yitanga Ya Mianangana 19:4

Alioze wayile wenyi wa tangwa lia muwundu mu puya. Yaheta ku chiputa chimwe, yeta kuli Zambi akafwe. Ngwenyi, Kunahu, Yehova, tambula kama mwono wami, mumu chapemene kuhiana atata.

1 Yitanga Ya Mianangana 21:4

Ahabe yanjila mu zuwo lienyi ni wuli ni matoto mumu ha liji lize Ka-Yezerele Nabote hamwaha, mumu hamba ngwenyi, Chichi kukwaha chihinga cha tulamba twami. Yapomba ha muhela wenyi; yatewuluka meso jenyi; kalile kulia.

Jobe 2:10

Alioze Jo yamba kuli iye ngwenyi, Unahanjika ngwe umwe hakachi ka yihepuke ja mapwo mahanjika. Te mututambula yipema ku kwoko lia Zambi, mba yipi kanda tuyitambula nyi? Mu yino yeswe Jo kavulumwine ni kanwa lienyi.

Jobe 7:15

ndo nakuzanga Shinaho kufwa cha kunguhonda, chazangile chocho yifwaha yami.

Miaso (Masamu) 121:6

Mwalwa kuushi kukutwa ha mwalwa, chipwe kakweji ha ufuku.

Miaso (Masamu) 39:9

Napwile kamama, chapakwile kanwa liami mumu yena wachilingile.

Longeshi 7:9

Kanda ulipupula mu mbunge kutenuka; mumu utenu kuwatwama mu mbunge ja yihepuke.

Mwaso Ubema Wahiana 1:6

Kanda nunguhulikila meso mumu ha kulá chami, mumu mwalwa hiwangutwa. Ana ja mama a malunga atenukine ni yami, yangutenga mukwa kufunga minda ya uva; alioze munda wa uva wa yami mwene chaufungile.

Izaya 49:10

Kechi kevwa zala hanji pwila; kechi kalambiwa ni fuji ya chivukuminya chipwe ni mwalwa, mumu mukwa kwavwila keke kumakaatetekela, kumakaasongwela ku mafuji a meya.

Ezekiel 19:12

Alioze muuva autukwile ni ufwatulo nikuumbila hashi. Yiuma ni fuji ya ku Chivumbuko; yachiza mihuko yawo hululu; chishina chawo chomine; chaliwile ni kahia.

Hosea 13:15

Chipwe matatuka hakachi ka ayayo hindu fuji ya ku Chivumbuko muyiza, fuji ya kuli Yehova ni kukatuka ku puya. Mba shima lienyi muliuma; fuji lienyi lia meya mulipwa lia chau. Kumuyikahupa yuma yeswe yilemu ku zuwo lienyi lia kutulikila upite.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Yona 1:4

Alioze Yehova yatuma fuji yimwe yinene ha kalunga-lwiji; kwapwile kangonga munene ha kalunga-lwiji, kashika wato wambile kumakuka.

Yona 4:3

Kashika Yehova, ngunalembe, ungushihe, mumu kufwa Shinaho kuli yami hi mwono ko.

Yona 4:9

Zambi yamba kuli Yona ngwenyi, Kutenuka Chichize mumu ha lwitwi, chipema nyi? Iye ngwenyi, Chipema ngunalingi nikutenuka, chipwe ndo ku kufwa.

Mateu 20:12

Ngwo, Wano akwa kusula halinga ola yimuwika mba hiwaatesa hamuwika ni yetu twanyongononanga ndusu ha chivukuminya cha mwalwa.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.

Usolwelo 7:16

O kechi kevwa zala nawa, chipwe kechi kevwa pwila nawa; chipwe tangwa kulichi kaatwila nichimwe, chipwe chivukuminya chimwe, ka:

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.