Yona 3:8 - MUKANDA USANDU WA ZAMBI 1975

⁸ Alioze akalifuke ni chikeleyi, ni mutu ni chimuna, akatete kuli Zambi ni tachi. Akakatuke mweswe ku jila yenyi yipi ni ku upupilo uze uli mu moko jenyi.

Mukanda Wa Zambi 1970

⁸ Atu eswe azale mianji ni yimuna eswe aajike mianji. Mutu mweswe chamutamba kulemba ni umwenemwene kuli Zambi ni kwecha ungulungulu ni ungalwe.

Yona 3:8 Iomraidhean Croise

Jobe 16:17

Chipwe chocho upupilo wakuhi ku moko jami; kulemba chami Chinapeme.

Jobe 36:10

Kakujikula matwi jo akalilongese; kakwatuma ahichike uhenge.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Izaya 59:6

Wandajili wo kuuchi kupwa uzalo, niumwe mahasa kulifuka ni milimo yo. Yilinga yo yitanga ya uhenge, yitanga ya upupilo yili mu moko jo.

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 26:3

Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Yona 1:14

Kashika atetele kuli Yehova ngwo, Tunaliumbu kuli yena Yehova, tunaliumbu kanda ututayiza kutoka mumu ha mwono wa yono. Kanda ututwika manyinga a kusamba, mumu yena Yehova hiwalinga chize chinakupemena.

Yona 1:6

Kashika mwata wa wato yeza kuli iye, yamba kuli iye ngwenyi, Ena mukwa tulo, kuchi unevu? Katuka utambike kuli Zambi ye. Hanji Zambi matunyonga kutuchi kutoka.

Mateu 3:8

Imenu kashika mihuko ya kutela kulikonyeka:

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.