Yona 3:5 - MUKANDA USANDU WA ZAMBI 1975

⁵ Akwa Ninive afulielele Zambi. Yasela matangwa a kulitwamina kulia. Yazala yikeleyi chize kuli anene hakachi ko ndo kuli akepe.

Mukanda Wa Zambi 1970

⁵ Aninive yaafuliela liji lia Mwene Zambi. Yaabatula ngwo, mutu mweswe ajile kulia, atu eswe, chize kuli pichi ndoo kuli yiswale, azale mianji ha kusoloka ngwo, haalumuka ku mbunge.

Yona 3:5 Iomraidhean Croise

1 MIANANGANA 19:1

Ha kuchivwa, mwanangana Hezekia yasonya mazalo jenyi, yalifuka ni chi keleyi, yanjila mu zuwo lia Yehova.

2 Sango Ja Mianangana 20:3

Yehosofate yevwa woma wunji. Yalisela kufupa Yehova. Yasela matangwa a kulitwamina kulia ndusu mu Yunda mweswe.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Estere 4:1

Ha kunyingika yino yeswe halinga, Mordekai yasonya mazalo jenyi, yazala chikeleyi ni uto, yaya hakachi ka chihunda nikulila ni muteto unene usasu.

Kutuhuka 33:6

A-Izalele alichijile yuma yo ya uhenya katuke ku mulundu wa Horepe ni kulutwe.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Jeremia 36:9

Ha mwaka wamuchitano wa Jehoakime mwana Josia mwanangana wa Yunda, ha kakweji wamuchilivwa atu eswe mu Yerusaleme ni atu eswe waze akatukile ku yihunda ya Yunda nikwiza ku Yerusaleme, yatongola shimbu lia kulitwamina kulia kumeso ja Yehova.

Jeremia 42:1

Henaho tusongo eswe a maswalale, hamwe ni Johanane mwana Karea, ni Azaria mwana Hoshaia, ni atu eswe chize kuli akepe ndo kuli anene, yakundama,

Jeremia 42:8

Aye yasanyika Johanane mwana Karea ni tusongo eswe a maswalale waze apwile no, ni atu eswe chize kuli akepe ndo kuli anene.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Yona 3:7

Yatuma liji nikuliambujola mu Ninive nikulita ni shimbi ya mwanangana ni yilolo jenyi ngwenyi, Niumwe kanda alia nichimwe, apwe mutu, apwe chimuna, apwe ngombe, hanji pembe, hanji panga, kanda alia, kanda anwa.

Mateu 12:41

Ha upatwilo akwa Ninive kumakakatuka hamwe ni chisemuko chino, o makachihisa: mumu alikonyekene ha kwambujola cha Yona; mba, umwe Wahiana Yona kuno kwali.

Luka 11:32

Malunga a ku Ninive kumakahinduka ha upatwilo hamwe ni chisemuko chino, makachihisa: mumu alikonyekene ha kwambujola cha Yona; kumanyi, umwe Wahiana Yona kuno kwali.

Yilinga 27:25

Kashika Wahililenu, malunga, mumu ngunafuliela Zambi kumuchikapwa chizechene ngwe hanambe kuli yami.

Yilinga 8:10

o eswe amupanjikile chize kuli akepe ndo kuli anene, nikwamba ngwo, Yono mwe tachi wa Zambi, yoze anamuvuluka ngwo, Munene.

Hebreu 11:1

Achi, Ufulielo che kulisela chinyingi cha yuma yize anayitalatala, che kukumika ha yuma yize kuyishi kumoneka.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.