Yona 3:3 - MUKANDA USANDU WA ZAMBI 1975

³ Kashika Yona yakatuka, yaya ku Ninive nikulita ni liji lia Yehova. Ninive liapwile limbo linene kuhiana, lia kwenda matangwa atatu.

Mukanda Wa Zambi 1970

³ Mba Yona yononokena liji lia Mwene Zambi, yaya ku Ninive, limbo linene lize akwenda matangwa atatu.

Yona 3:3 Iomraidhean Croise

Ubutukilo 22:3

Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

Ubutukilo 30:8

Rakele yamba ngwenyi, Hinalitachika ni yaya ni kulitachika cha ndundo, hinakumba. Mba yamuluka jina lienyi Napatali.

Miaso (Masamu) 36:6

Ululi we wapwa ngwe milundu yisuku. Upatwilo we wapwa ngwe yimwe jondo yinene. Yena Yehova wakulamwina ni atu ni tushitu.

Miaso (Masamu) 80:10

Milundu yalayile ni Chizulie chacho. Mitango yacho yapwile ngwe misedru ya Zambi.

Izaya 37:37

Chocho Senakeribe mwanangana wa Asuria yakatuka, yahiluka ku Ninive, yatwamako.

Yona 1:2

Katuka uye ku Ninive, lie limbo linene, ukakololoke kuli ayo, mumu ungulungulu wo hiunahete kuli yami.

Yona 4:11

Mba kuchangutambile yami kuvwila keke Ninive, lie limbo linene, muze mwatwama kuhiana kulakaji lia tununu ni makumi aali a tununu a atu kanyingikine kutongola hakachi ka kwoko lio lia chindume ni kwoko lio lia chimeso, ni yimuna anji nawa nyi?

2 Timoteu 4:11

Luka wika ali hamwe ni yami. Hitula Marku, ukamunehe hamwe ni yena, mumu kanangutela ha uvumbiko.