Yona 3:10 - MUKANDA USANDU WA ZAMBI 1975

¹⁰ Zambi yamona yitanga yo, ngwenyi, Kanakatuka ku ndako jo jipi. Mba Zambi yalikonyeka ha che chuma chikalu chize ambile kwalinga. Kachilingile.

Mukanda Wa Zambi 1970

¹⁰ Zambi yamona chize atu haalinga; yamona ngwenyi, heecha yibi yo. Mba yalumuna manyonga jenyi, hikaamwesene ko lamba ngwe chize ahalile.

Yona 3:10 Iomraidhean Croise

1 Sango Ja Mianangana 21:15

Zambi yatuma umwe mungelo ku Yerusaleme akayonwone. Mba muze himayonwona, Yehova yatala, yalikonyeka ha chuma chino chikalu, mba yamba kuli mungelo chonwonyi ngwenyi, Kunahu! Kanda uweza nawa kwoko lie. Mungelo wa Yehova te kanamana ku chizungwilo cha Ka-Yepushe Ornane.

Kutuhuka 32:14

Mba Yehova walikonyekene ha yipi yize ambile ngwenyi, Munguyilinga kuli atu jami.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Jeremia 18:7

Nyi tangwa heswaho mungwamba ha kutwala ku munyachi hanji wanangana umwe kuutukula, hanji kuupalwola, hanji kuwonwona,

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Amose 7:6

Mba Yehova yalikonyeka ha chuma chino. Mwene Yehova yamba ngwenyi, Chino nawa kuchichi kupwa.

Yona 4:11

Mba kuchangutambile yami kuvwila keke Ninive, lie limbo linene, muze mwatwama kuhiana kulakaji lia tununu ni makumi aali a tununu a atu kanyingikine kutongola hakachi ka kwoko lio lia chindume ni kwoko lio lia chimeso, ni yimuna anji nawa nyi?

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Luka 11:32

Malunga a ku Ninive kumakahinduka ha upatwilo hamwe ni chisemuko chino, makachihisa: mumu alikonyekene ha kwambujola cha Yona; kumanyi, umwe Wahiana Yona kuno kwali.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.