Yona 2:6 - MUKANDA USANDU WA ZAMBI 1975

⁶ Napalumukine mushi lia milundu. Hashi ni njalo jaho janguyikilile ku miaka ya mutolo; hindu, yena Yehova Zambi yami, hiwachiza mwono wami mu jondo.

Mukanda Wa Zambi 1970

⁶ Yingupalumuka ndoo kuze kwabutukila milundu, muma muze yajilo yamo muyingwajilila mo ndoo ku miaka yeswe. Alioze yena, Mwene Zambi, Zambi yami, yiunguchiza muma mwajotoka, yiungupwisa ni mwono.

Yona 2:6 Iomraidhean Croise

Jobe 33:24

mba mapwa ni vumbi kuli iye ngwenyi, Mupululenu, kanda aya ku jondo, hinawana kuka.

Jobe 33:28

Hakuta alma yami kanda yiya ku jondo. Mwono wami ukamone pangu.

Miaso (Masamu) 104:6

Wafukileho ni kalunga-lwiji ngwe uzalo; meya amanyine helu lia milundu.

Miaso (Masamu) 104:8

Akandukilile ku milundu; apalumukinyine ku yikulo, ndo ku chihela chize waakoleselele.

Miaso (Masamu) 116:3

Mihipu ya kufwa yangujingile. Yikola ya Shiole yangukwachile. Nawanyine lamba ni chinyengo.

Miaso (Masamu) 143:7

Yehova, tambuka ungukumbulule mumu Spiritu yami yinalezumuka. Kanda unguswekela meso je kuchina mungwalumuka kulifwa ni waze anapalumuka ku mbongo.

Miaso (Masamu) 16:10

Mumu kuchi kuhichika mwono wami mu Shiole. Mwe musandu we kuchi kumutayiza kumona kupola.

Miaso (Masamu) 18:5

Mihipu ya Shiole yanguswikile. Makambwila a kufwa anguwanyine.

Miaso (Masamu) 30:3

Yehova, yena wachijile mwono wami ku Shiole. Wangulingile ni mwono kuchina mungupalumuka ku mbongo.

Miaso (Masamu) 30:9

Kufumbuka chika muchikapwa mu manyinga jami muze mungupalumuka ku mbongo? Te fufuta muyikuhalisa? Muyihasa kwambulula umwenemwene we?

Miaso (Masamu) 55:23

Alioze yena Zambi kumukaalundumwina mu jondo ya kwonwona. Malunga a kumwanga manyinga ni kwonga kechi kuheta hakachi ka matangwa jo. Hindu yami mungukufuliela.

Miaso (Masamu) 65:6

Yoze wakukolesa milundu ni tachi jenyi, nikulijichikila ni ndundo.

Miaso (Masamu) 69:2

Ngunatweme mu malowa asuku kuze mutu keshi kuhasa kumana. Hinaheta ku meya asuku kuze masanga a meya anangulundumukina.

Izaya 38:10

Yingwamba ngwami, Changutamba kuya shimbu matangwa jami hakachi ni hakachi ali. Hanangukunjika ku yajilo ya Shiole kumanununa miaka yami.

Izaya 38:17

Kumanyi usasu wami wapwile wa kungukwasa. Ena hiwapulula mwono wami ku jondo ya kwonwona, mumu hiwambila milonga yami kunyima ye.

Izaya 40:12

Iya wazongele kalunga-lwiji mu kwoko lienyi? Iya wafunjikile malilu ni kwoko? Iya wasele fufuta ya hashi mu njongo? Iya wapezalishile milundu yinene ha mbalansa, ni mindundena ha mbalansa yikepe?

Ezekiel 26:20

henaho mungukakunyasa hamwe ni waze akuya mu jondo, kuli atu a shakulu; mungukakutwamisa muma mushi lia muno-muze mu yihela yize ya kwenyeka ya shakulu hamwe ni waze akuya ku jondo. Chocho kuchi kapwa ni atu, chipwe chihela mu chifuchi cha akwa mwono.

Ezekiel 31:14

Chino cheswe muchikapwa kukanjisa mitondo ya ku meya kanda yitunda naye, chipwe kusa masongo jayo hakachi ka malelwa, mitondo yize ya kutambula meya kanda yihetako ha kutolomoka. Mumu yeswe hanayikunjika ku kufwa muma mushi lia muno-muze hakachi ka atu a kufwa hamwe ni waze akuya ku jondo.

Habakuke 3:10

Milundu yakumwene, yevwile woma. Meya a tachi apukumukine; kalunga-lwiji watetele nikuzundula moko jenyi kwilu.

Habakuke 3:6

Yamana; yeseka hashi; yatala; yasakumuna mavungu. Mba milundu ya mutolo yiyimwangana; mindundena ya miaka yahuwa. Majila jenyi apwile ngwe ku shakulu.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.