Yona 2:10 - MUKANDA USANDU WA ZAMBI 1975

¹⁰ Mba Yehova wahanjikile ni mwe yishi. Yasajila Yona hashi homu.

Mukanda Wa Zambi 1970

¹⁰ Mba Mwene Zambi yambila yishi hanga akasajile Yona ku tunda. Yichibwa Chenacho.

Yona 2:10 Iomraidhean Croise

Ubutukilo 1:11

Zambi yamba ngwenyi, Ha mavu hasoke mwambu, ni yiputa yakwima mbuto, ni mitondo ya mihuko yize yakwima mihuko nikulita ni milali yayo, yize yikwete mbuto yayo muchima ha mavu. Yichipwa chocho.

Ubutukilo 1:14

Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Ubutukilo 1:3

Zambi yamba ngwenyi, Kupwe pangu, mba yikupwa pangu.

Ubutukilo 1:7

Zambi yatanga kuzazuluka, yahandununa meya a kushi lia kuzazuluka ni meya a helu lia kuzazuluka, yichipwa chocho.

Ubutukilo 1:9

Zambi yamba ngwenyi, Meya aze ali kushi lia lilu aswile muma mumuwika, mavu omu asoloke. Yichipwa chocho.

Miaso (Masamu) 105:31

Wahanjikile mba kwejile mazaji a jiji ni yina mu manjiza jo eswe.

Miaso (Masamu) 105:34

Wahanjikile mba kwejile makumbi ni yazombwa keshi kuhasa kwaalula.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Izaya 38:20

Yehova mangupulula, mba mutwimba ni yisaji ya kusa matangwa eswe a mwono wetu, mu zuwo lia Yehova.

Izaya 43:11

Yami, yami nguli mwe Yehova. Niumwe chilamwina keshiko shina yami mwene.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Yona 3:1

Liji lia Yehova yiliza kuli Yona chisuho chamuchiali ngwenyi,