Yoano 9:7 - MUKANDA USANDU WA ZAMBI 1975

⁷ Wambile kuli iye ngwenyi, Yako, usane mu Chitende cha Sailome, (linalumbunuka ngwo, Kanatumiwa). Wayile kashika, yasana, yahiluka nikumona.

Mukanda Wa Zambi 1970

⁷ yamwamba ngwenyi: “Yako usane ku meso mu shima lia Silome.” (Kulumbunuka ngwo: “Hatumiwa.”) Kapuputa yaya, yasana ku meso, yahiluka ni kumona.

Yoano 9:7 Iomraidhean Croise

Nehemia 3:15

Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Izaya 32:3

Mba meso ja akwa kumona kechi kaajika, ni matwi ja akwa kwivwa makapalika.

Izaya 35:5

Henaho meso ja tupuputa malaula, matwi ja afwa-matwi majikuka.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 43:8

Nehenu tupuputa waze ali ni meso, nehenu afwa-matwi waze kakwivwa.

Izaya 8:6

Mumu wano atu hanalituna meya a Shiloa aze akwenda ni vumbi, kakusangunuka ni woma kumeso ja Rezine ni mwana Remalia;

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Luka 13:4

Hanji waze kumi ni nake, hali ayo kaposhi ka Selome wapuzukile nikwashiha, nunashinginyeka ngwe o apwile yitanguke ahiana atu eswe akutwama mu Yerusaleme, nyi?

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 11:37

Alioze amwe a kuli ayo ambile ngwo, Yono mutu walawishile meso ja kapuputa, kahashile kumufunga hanga kechi kufwa, nyi?

Yoano 9:11

Wakumbulwile ngwenyi, Mutu, yoze anambe ngwo, Yesu, walinganga ndambo, wakwitanga meso jami, kambanga kuli yami ngwenyi, Yako ku Chitende cha Sailome, usane; chocho nayanga, nasananga, nalaulaga ku meso.

Yoano 9:39

Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi