Yoano 9:40 - MUKANDA USANDU WA ZAMBI 1975

⁴⁰ Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

Mukanda Wa Zambi 1970

⁴⁰ Amwe Afariseu, waze te ali hamwe nenyi, yeevwa maliji wano, yaamuhula ngwo: “Kuma ni yetu nawa tuli tupuputa, nyi?”

Yoano 9:40 Iomraidhean Croise

Yoano 9:34

Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Yoano 9:41

Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.

Usolwelo 3:17

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.