Yoano 9:34 - MUKANDA USANDU WA ZAMBI 1975

³⁴ Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Mukanda Wa Zambi 1970

³⁴ Yaamukumbulula ngwo: “Yena wasemukine pundu mu shili, unazange kutulongesa, nyi?” Mba yaamuhanga liakulu ku zuwo lia kuwayila.

Yoano 9:34 Iomraidhean Croise

Ubutukilo 19:9

Alioze o ngwo, Katukako. Chikwo nawa ngwo, Yono umuwika wejile kuno kutwama njize, haliapwila halitenga mukwa kuyula. Haliapwila mutukulinga chipi chahiana chize twambanga kulinga ni waze akwo. Chocho amushinjikile chikolo, mwe Lote. Te kwasala hakehe kupula pito.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Jobe 14:4

Iya mahasa kuchiza chuma chipema muchima lia chuma chipi? Niumwe.

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Miaso (Masamu) 51:5

Pundu angusemene mu uhenge. Mama wangusesekele mu shili.

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Yishima 22:10

Huma mukwa kulenya mba kulitachika muchinukatuka; ewa ndombo ni sonyi mujihwa.

Yishima 26:12

Unamono umwe kanalimono ngwenyi, Nguli mukwa mana, nyi? Chihepuke muhasa kumutala tala chimwe chuma, hi iye ko.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 65:5

Kakwamba ngwo, Twama kwe! Kanda ungukundama mumu hinalihandununa ni yena. Wano kapwa ngwe mwishi mu mazulu jami, ngwe kahia kakuyila tangwa lieswe nganganga.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Luka 11:45

Mba umwe wa kuli akwa shimbi wamukumbulwile, ngwenyi, Longeshi, ha kwamba yino yuma unatusaula nawa.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 18:17

Pundu ngunambe kuli yenu ngwami, Mweswawo kechi katambula wanangana wa Zambi ngwe mwana mukepe, kechi kanjilamo nichimwe.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 6:37

Waze eswe Tata mangwaha, kumakeza kuli yami; ni yoze meza kuli yami chichi kamumbila haze nichimwe.

Yoano 8:41

Yenu nwakulinga yitanga ya tatenu. Ambile kuli iye ngwo, Yetu kutwasemukine ku utanji; Tata umuwika tukwete, iye Zambi.

Yoano 9:2

Tumbaji twenyi amuhulile ngwo, Longeshi, iya wavulumwine, shina yono, nyi? Shina yisemi jenyi, akasemuke kapuputa?

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Yoano 9:35

Yesu wevwile ngwo, Hamukatwisa; iye ha kumuwana, wambile kuli iye ngwenyi, Unafuliela kuli mwe Mwana Zambi, nyi?

Yoano 9:40

Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

1 Korintu 5:13

Alioze waze ali haze Zambi kakwapatwila. Chizenu yoze chingulungulu hakachi kenu.

Galashia 2:15

Yetu se tuli A-Yunda ku chisemewa, hi yivulumunyi ko a ku mavungu,

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.

3 Yoano 1:10

Kashika, kachi mungwiza, kachi mungunwiwulula yitanga yenyi yize akulinga, ni kumbambula cha kulimika ni yetu ni maliji a ungulungulu; chipwe keshi kuyuka no, chipwe iye mwene keshi kutambula mandumbu; mba waze mazanga kwatambula maakanda, maambila haze lia chikungulwila.

3 Yoano 1:9

Nasonekene chimwe ku chikungulwila, aiioze Ndiutrefwe, yoze unafwila kupwa ni muhela utangu hakachi ko, keshi kututambula.

Usolwelo 13:17

hanga niumwe kechi kuhasa kulanda, hanji kulanjisa, shina yoze uli ni mufunda, te jina lia ngongo, hanji chize analula jina lienyi.