Yoano 9:22 - MUKANDA USANDU WA ZAMBI 1975

²² Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Mukanda Wa Zambi 1970

²² Yisemi jenyi yaamba chino mumu yeevwila Ayuda woma. Mumu Ayuda alitesele kulu kutuhiwsa ku zuwo lia kuwayila mweswe mutu matayiza ngwenyi, Yesu mwe Chilamwina yoze Zambi alakenyene.

Yoano 9:22 Iomraidhean Croise

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

Yoano 16:2

kumakanukatwisa ku masunangonga; ewa, mwaka muwiza, muze mweswawo manushiha, makashinginyeka ngwe kanalingi milimo ya Zambi.

Yoano 19:38

Kulutwe lia yino yuma José wa ku Arimatea, se wapwile kambaji ka Yesu, alioze ku tenga mumu ha woma wa A-Yunda, walembele kuli Pilatu, hanga akachize mujimba wa Yesu: ni Pilatu wamutayijile. Kashika ayile, wachijile mujimba wenyi.

Yoano 20:19

Muze kashika hikwapwa chingoloshi ha tangwa lize, lie tangwa litangu lia semana, muze te hanajila mapito muze apwile tumbaji, mumu woma wa A-Yunda, Yesu wejile, wamanyine mukachi ko, yamba kuli ayo ngwenyi, Sambukila kuli yenu.

Yoano 7:13

Alioze niumwe wahanjikile mwazu ha kutwala kuli iye mumu ha woma wa A-Yunda.

Yoano 9:18

A-Yunda kashika kafulieleleko hali iye, ngwe wapupuchile, walawile ku meso, ndo atambikile yisemi ja yoze walawile ku meso.

Yoano 9:21

alioze ngwe haliapwila anamono, kutwanyingikine; chipwe yoze walawisanga meso jenyi, kutwamunyingikine; muhulenu mwene; hakola; mahanjika hali iye mwene.

Yoano 9:34

Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Yoano 9:35

Yesu wevwile ngwo, Hamukatwisa; iye ha kumuwana, wambile kuli iye ngwenyi, Unafuliela kuli mwe Mwana Zambi, nyi?

Yilinga 4:18

Mba aatambikile, aahele koki ngwo, Kanda nuhanjika nichimwe, chipwe kanda nulongesa mu jina lia Yesu.

Yilinga 5:13

Alioze a kuli akwo niumwe wahamukine kulinunga no: alioze atu aachichimiekene;

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.