Yoano 9:17 - MUKANDA USANDU WA ZAMBI 1975

¹⁷ Yamba kuli kapuputa cheka nawa ngwo, Kuchi yena unambe hali iye, ngwe walawisanga meso je? Wambile ngwenyi, Iye profeta.

Mukanda Wa Zambi 1970

¹⁷ Afariseu yaahula nawa kapuputa ngwo: “Yena kuchi unambe hakutwala kuli mutu yoze wakulawisanga meso?” Iye ngwenyi: “Kali mukwa munanyi wa Zambi.”

Yoano 9:17 Iomraidhean Croise

Mateu 21:11

Mbunga ambile ngwo, Yono mwe profeta Yesu yoze wa ku Nazare, limbo lia mu Ngalileya.

Luka 24:19

Iye wambile ngwenyi, Yuma yika? O ambile kuli iye ngwo, Yuma yize ya kutwala kuli Yesu Ka-Nazare, mwenawo wapwile profeta mukwa tachi ni chitanga ni liji kumeso ja Zambi ni atu eswe.

Yoano 4:19

Pwo yamba kuli iye ngwenyi, Mwene, ngunamono yena uli profeta.

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Yoano 9:15

Cheka nawa kashika A-Fwariseu amuhulile ngwe chize walawisanga meso jenyi. Iye wambile kuli ayo ngwenyi, Kasanga ndambo ha meso jami, nasananga, mba ngunamono.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Shimbi 18:15

Yehova Zambi yenu kumakanusolwela profeta umwe hakachi kenu wa kuli usoko wenu, malifwa ni yami. Munukamupanjika iye;