Yoano 9:16 - MUKANDA USANDU WA ZAMBI 1975

¹⁶ Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.

Mukanda Wa Zambi 1970

¹⁶ Amwe a kuli Afariseu yaamba ngwo: “Mutu yoze walinganga Chuma chino hi wa kuli Zambi ko, mumu keshi kufunga Shimbi ya tangwa lia kuhwima.” Alioze akwo ngwo: “Ngwe kuchi mutu mahasa kulinga yilayi yino nyi kali Chivulumunyi?” Yaalihandununa ha chikuma chino.

Yoano 9:16 Iomraidhean Croise

Mateu 12:10

Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Mateu 12:2

Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Luka 13:14

Alioze mukwa kuyula sunangonga te kanevu kupiha, mumu Yesu wawukile ha tangwa lia Sambata, wakumbulwile ku mbunga ngwenyi, Kwali matangwa asambano a milimo, kashika nwize ha matangwa aze anuwuke, hi ha Sambata ko.

Yoano 10:19

Kwapwile kulihandununa cheka nawa hakachi ka A-Yunda mumu ha maliji ano.

Yoano 14:11

Ngufulielenu, yami nguli muli Tata, ni Tata muli yami: alioze nyi ka, ngufulielenu ha yitanga yene.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 5:10

Kashika A-Yunda ambile kuli yoze wahindukile ngwo, Musono lie tangwa lia Sambata; kuchalitele ni shimbi kumbata chalo che.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:52

Kashika A-Yunda alihangulwile hakachi ko ngwo, Ngwe kuchi yono mahasa kutwaha musunya wenyi mukulia?

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

Yoano 7:23

Kachi mutu matambula ungalami ha tangwa lia Sambata, hanga kechi katangula shimbi ya Mose; nunevu matoto ni yami, mumu napwishile mutu mungunu liakulu ha tangwa lia Sambata, nyi?

Yoano 7:43

Kashika kwapwile kulihandununa hakachi ka mbunga mumu hali iye.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.

Yilinga 14:4

Alioze chizavu cha mu limbo ahandunukine; mba amwe apwile hamwe ni A-Yunda, ni akwo apwile hamwe ni apostolo.