Yoano 8:44 - MUKANDA USANDU WA ZAMBI 1975

⁴⁴ Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Mukanda Wa Zambi 1970

⁴⁴ Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

Yoano 8:44 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

1 Yitanga Ya Mianangana 22:22

Yehova ngwenyi, Neka? Aye yamba ngwenyi, Munguya ngukapwe Spiritu ya mahuza mu makanwa ja aprofeta jenyi eswe. Aye ngwenyi, E, kumukamusongojola, kumukamukumba. Yako ulinge chocho.

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

Jobe 1:11

Alioze Olola kwoko lie haliapwila, usunge ku upite wenyi weswe mba makutuka kumeso je.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Mateu 13:38

munda he hano hashi; mbuto yipema yino, ana a wanangana; mwambu wamokomoko ana a mwe mupi.

Yoano 6:70

Yesu waakumbulwile ngwenyi, Chanutongwele, yenu kumi ni aali, nyi? Mba umwe wa kuli yenu iye ndiapu umwe.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yoano 8:38

Nakuhanjika yuma yize hingunamono hamwe ni Tata; ni yenu nawa nwakulinga yuma yize nwevwile kuli tatenu.

Yoano 8:41

Yenu nwakulinga yitanga ya tatenu. Ambile kuli iye ngwo, Yetu kutwasemukine ku utanji; Tata umuwika tukwete, iye Zambi.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

Yilinga 24:9

Ni A-Yunda nawa alifutwile ni kusuma chino, nikutayiza ngwo, Chochene.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.

1 Yoano 1:8

Kachi mutwamba ngwetu, Kutushi shili, kachi tunaliongo, ni umwenemwene kuushimo muli yetu.

1 Yoano 2:21

Chasonekene kuli yenu mumu kunwanyingikine umwenemwene, aiioze mumu nunaunyingika, ni mahuza niamwe hi a ku umwenemwene ko.

1 Yoano 2:4

Yoze mamba ngwenyi, Ngunamunyingika, aiioze keshi kufunga shimbi jenyi, iye mukwa mahuza, ni umwenemwene kuushimo muli iye;

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

1 Yoano 3:15

Mweswawo mapwa ni kole kuli Ndumbwenyi iye chingalwe, mba nunanyingika chingalwe niumwe uli ni mwono wa mutolo muli iye.

Yuda 1:6

Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

Usolwelo 9:11

O mwanangana akwete, mwe mungelo wa jondo: jina lienyi mu Hepreu ngwo, Apandone, ni mu limi lia Ngresia jina ali nalio ngwo, Apoleyo.