Yoano 8:43 - MUKANDA USANDU WA ZAMBI 1975

⁴³ Kuchi te kunwanyingikine kuhanjika chami? Mumu te kunwahashile kwivwa liji liami.

Mukanda Wa Zambi 1970

⁴³ Kuchi kevwe kunushi kwivwa yize nakunwamba? Mumu nuli akalu ha kwivwa liji liami.

Yoano 8:43 Iomraidhean Croise

Yishima 28:5

Upatwilo kuwalumbunukine kuli atu api; alioze yuma yeswe yinalumbunuka kuli waze akufupa Yehova.

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Izaya 6:9

Aye yamba ngwenyi, Yako ukambulwile wano atu ngwe, Kwivwa munwivwa, alioze kuchichi kunulumbunuka, Kumona munumona, alioze kunuchi kunyingika.

Jeremia 6:10

Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Mika 4:12

Alioze kanyingikine manyonga ja Yehova. Chize Yehova hanalulika kuchaalumbunukine, iye hanaakungika ngwe yichita ku chizungwilo.

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Yoano 5:43

Nguneza mu jina lia mwe Tata, kunushi kungutambula: kachi mukwo meza mu jina lienyi mwene, munukamutambula.

Yoano 6:60

Anji kashika a kuli tumbaji twenyi muze evwile chino, ambile ngwo, Liji lino likalu; iya mahasa kulivwa?

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yoano 8:27

O kanyingikine ngwe wahanjikile kuli ayo ha kutwala kuli mwe Tata.

Yoano 8:33

Amukumbulwile ngwo, Tuli munyachi wa Apalahama, kutwapwile ndungo kuli niumwe nilimwe tangwa: ngwe kuchi unambe ngwe, Kumunukatusuka?

Yoano 8:39

Amukumbulwile ngwo, Kulwetu iye Apalahama. Yesu yamba kuli ayo ngwenyi, Kachi nwapwa ana a Apalahama, kachi nwalinga yitanga ya Apalahama.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

A-ROMA 3:11

yoze wakunyingika wakuhi niumwe; yoze wakufupafupa Zambi wakuhi niumwe.