Yoano 8:24 - MUKANDA USANDU WA ZAMBI 1975

²⁴ Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Mukanda Wa Zambi 1970

²⁴ Kashika hinanwamba ngwami, munukafwa mu milonga yenu. Mumu munukafwa mu milonga yenu, shina munufuliela ngwenu, ‘Yami Nguli Yoze Nguli.’ ”

Yoano 8:24 Iomraidhean Croise

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 3:18

Yoze mamufuliela keshi kumupatwila: yoze keshi kufuliela hanamupatwila kulu, mumu kafulieleleko jina lia mwe Mwana wa wika wa Zambi.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Yishima 8:36

Alioze mweswe manguvulumuna malumbula mwono wenyi; yoze akulinwa ni yami kanazange kufwa.

Yoano 13:19

Chize ku haliapwila ngunanwambulwila shimbu kanda chipwa, hanga muze muchipwa, nukafuliele ngwe yami nguli.

Yoano 4:26

Yesu yamba kuli iye ngwenyi, Yami Mwene, yami ngunahanjika ni yena.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Yoano 8:21

Yesu kashika wambile kuli ayo cheka nawa ngwenyi, Munguya kwami, kumunukangufupa, munukafwa mu milonga yenu: ni kuze munguya, kunwahashile kuhetako.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

Marku 13:6

Mumu anji kumakeza mu jina liami, nikwamba ngwo, Mwe Kristu yami, makapiangula anji.

Luka 21:8

Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Kutuhuka 3:14

Zambi yamba kuli Mose ngwenyi, nguli chize nguli. Mba ngwenyi, Chocho ukambe kuli A-Izalele ngwe, yami nguli hangutuma kuli yenu.

Mateu 24:5

Mumu anji kumakeza mu jina liami ngwo, Yami nguli mwe Kristu; mba makapiangula anji.

Yoano 8:25

Ambile kuli iye kashika ngwo, Yena iya? Yesu wambile kuli ayo ngwenyi, Yoze nanwambulwilile chize ku uputukilo.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.