Yoano 8:21 - MUKANDA USANDU WA ZAMBI 1975

²¹ Yesu kashika wambile kuli ayo cheka nawa ngwenyi, Munguya kwami, kumunukangufupa, munukafwa mu milonga yenu: ni kuze munguya, kunwahashile kuhetako.

Mukanda Wa Zambi 1970

²¹ Yesu yaamba nawa ngwenyi: “Yami ngunayi kwami. Munukangufupa, alioze munukafwa mu milonga yenu. Kuze ngunayi kunwahashile kwiza ko.”

Yoano 8:21 Iomraidhean Croise

1 Yitanga Ya Mianangana 18:10

Ni mwono wa Yehova Zambi yenu kukushi chifuchi hanji vungu kuze mwata wami katumine kunufupa, mba muze kanuwanyine yaashingisa pundu pundu ngwo, Kutwamuwanyine.

Jobe 20:11

Yifwaha yenyi yatakama ni tachi ja ukweze, hindu cheswe muchipomba nenyi mu fufuta.

Yishima 11:7

Muze chingulungulu mafwa, kutalatala chenyi hichatoka, ni kutalatala cha uhenge kuchakutoka.

Yishima 14:32

Mambila chingulungulu mu ungulungulu wenyi; alioze mukwa ululi kali ni kutalatala mu kufwa chenyi;

Izaya 65:20

Kuhechi kapwamo kemba wa kutwama ni mwono matangwa akehe, hanji mukulwana yoze kechi kamanununa matangwa jenyi, mumu mwana kumafwa ni kulakaji lia miaka, ni mukwa shili wa kulakaji lia miaka mapwa wa kushinga.

Mateu 23:39

Mumu ngunambe kuli yenu ngwami, Kunuchi kangumona nichimwe chize ku haliapwila ndo munukamba ngwenu, Kawaha yoze meza mu jina lia Mwene.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Yoano 12:33

Alioze chino wambile nikulweza kufwa chize mafwa.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Yoano 13:33

Ana akepe, shimbu likepe wika yami nguli hamwe ni yenu. Kumunukangufupa: chizechene ngwe nambile kuli A-Yunda ngwami, Kuze munguya yami, yenu kunwahashile kuyako: chocho ngunambe kuli yenu haliapwila.

Yoano 7:34

Kumunukangufupa, kunuchi kanguwana: ni kuze nguli kunwahashile kwizako.

Yoano 7:36

Liji lika lino anambe ngwenyi, Kumunukangufupa, kunuchi kanguwana; ni kuze nguli kunwahashile kwizako?

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Efesu 2:1

Ni yenu nwapwile afu mu Utanguko wenu ni mu milonga yenu,