Yoano 8:2 - MUKANDA USANDU WA ZAMBI 1975

² Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.

Mukanda Wa Zambi 1970

² Muze hikwabatwoka ngwangwangwa, Yesu yahiluka ku zuwo lia Zambi lia Ayuda. Atu eswe yaamukunguluka. Neye yatwama mba yabutuka kwalongesa.

Yoano 8:2 Iomraidhean Croise

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Jeremia 25:3

Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Luka 21:37

Ni tangwa ha tangwa, wapwile nikulongesa mu tembele; ni ufuku ha ufuku wapwile nikutuhwoka nikuuhwisa ha mulundu uze ngwo, Olevwe.

Luka 21:38

Ni atu eswe alimenekene nikwiza kuli iye mu tembele mukumwivwa.

Luka 4:20

Iye wapakikile mukanda waukunjikile cheka nawa kuli kalala, Watwamine, ni meso ja eswe mu sunangonga ahulikilile kuli iye.

Luka 5:3

Wanjilile mu ulungu umwe uze wapwile wa Semone, wamwichile asosoloke hakepe ku ngenge; iye watwamine nikulongesa mbunga ku ulungu.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 8:20

Maliji ano wahanjikile mu zuwo lia milambu, shimbu alongesele mu tembele: mba niumwe wamukwachile; mumu ola yenyi kanda yichiza.

Yoano 8:3

Ni akwa kusonyeka ni A-Fwariseu yaneha pwo amukwachile mu utanji, ni muze te hamusa mukachi ko,

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.