Yoano 8:19 - MUKANDA USANDU WA ZAMBI 1975

¹⁹ Ambile kuli iye kashika ngwo, Tatenu kulihi ali? Yesu wakumbulwile ngwenyi, Yenu kunwanyingikine chipwe yami, chipwe Tata: kachi nwangunyingika, kachi nwanyingika Tata nawa.

Mukanda Wa Zambi 1970

¹⁹ No yaamuhula ngwo: “Yolihi Tatenu?” Yesu ngwenyi: “Kunwanyingikine chibwe yami chibwe Tata. Nyi nwangunyingika, kachi mununyingika nawa Tata.”

Yoano 8:19 Iomraidhean Croise

Jeremia 22:16

Wapatwile kanawa chikuma cha chiswale ni mukwa kuhona, miaka yize te kanawaha. Yehova kanambe ngwenyi, Chenacho te chinalumbunuka kungunyingika.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Yoano 1:10

Iye wapwile hano hashi, ni hashi hatangiwile kuli iye, ni akwa hashi kamunyingikineko.

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 15:21

Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 7:28

Yesu wakololokele mu tembele, nikulongesa ngwenyi, Nunangunyingika; nunanyingika kuze ngunakatuka nawa; chalinjilile yami mwene, alioze yoze wangutumine, iye wamwenemwene, mwenawo kunwamunyingikine.

1 Korintu 15:34

Lawilenu ku ululi, kanda nuvulumuna; mumu amwe keshi chinyingi cha Zambi: ngunahanjika chino hanga ngunukolese sonyi.

Galashia 4:9

Alioze haliapwila se nunanyingika Zambi, hanji Shinaho Zambi kananunyingika, ngwe kuchi nunatewulukila cheka nawa ku yikuma yamokomoko ya ulelu ni ya uswale, nukalitenge ndungo jayo nawa, nyi?

Efesu 1:17

hanga Zambi ya Mwene wetu Yesu Kristu, Tato ya uhenya, akanwehe spiritu ya mana ni usolwelo mu yinyingi yeswe ya iye;

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

2 Yoano 1:9

Mweswe matanguka, keshi kutwama mu longeso lia Kristu, iye keshi ni Zambi; yoze matwama mu longeso lia Kristu, kali ni eswe aali, ni mwe Tata ni mwe Mwana.