Yoano 8:15 - MUKANDA USANDU WA ZAMBI 1975

¹⁵ Yenu nwakupatula nikulita ni musunya; yami chishi kupatwila niumwe.

Mukanda Wa Zambi 1970

¹⁵ Yenu nwakubatula nikulita ni ndako ja atu, yami Chishi kubatwila niumwe.

Yoano 8:15 Iomraidhean Croise

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Habakuke 1:4

Chocho shimbi yakokoloka ni upatwilo wa kulita kuushi kumoneka. Mumu yingulungulu kanaseleka akwa ululi; kashika kakuhengesa upatwilo.

Luka 12:14

Alioze wambile kuli iye ngwenyi, Lunga, iya wangupwishile ngaji hanji mukwa kwanyina hakachi kenu?

Yoano 12:47

Kachi umwe mevwa maliji jami, keshi kwafunga, yami chishi kumupatwiia: mumu chejile hanga ngukapatwile akwa hashi, alioze hanga ngukalamwine akwa hashi.

Yoano 18:36

Yesu wakumbulwile ngwenyi, Wanangana wami hi wa hashi ko: kachi wanangana wami muupwa wa hashi, kachi tumbaji twami malitachika, hanga kechi kangukunjika kuli A-Yunda: alioze haliapwila wanangana wami hi wa hano ko.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 7:24

Kanda nukapatula nikulita ni meso jenu, alioze patulenu upatwilo wa ululi.

Yoano 8:11

Iye wambile ngwenyi, Niumwe, Mwene. Yesu wambile kuli iye ngwenyi, Ni yami nawa chishi kukuhisa, yako kwe; chize ku haliapwila ndo ku miaka kanda ukavulumuna nawa.

A-ROMA 2:1

Kashika yena kushi kaliongelo, yena mutu, mweswawo wapwa, wakupatwila mukwenu: mumu ni chize mupatwita mukwenu, mulihisa yena mwene; mumu yena wakupatula, kuwakulinga yuma yize yene.

1 Korintu 2:15

Alioze mukwa uspiritu mapatula yuma yeswe, iye mwene keshi kumupatwila kuli niumwe.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Tiangu (Jake) 2:4

kunwasele katonde hakachi ka yenwene, nyi? Kunwalipwishile sopi ni manyonga ja ungulungulu, nyi?

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.