Yoano 8:14 - MUKANDA USANDU WA ZAMBI 1975

¹⁴ Yesu wakumbulwile ngwenyi, Chipwe kachi ngunashindakenya hali yami mwene, kachi Shindakenyo yami yamwenemwene; mumu ngunanyingika kuze ngunakatuka, ni kuze munguya; alioze yenu kunwanyingikine kuze ngunakatuka ni kuze munguya.

Mukanda Wa Zambi 1970

¹⁴ Yesu ngwenyi: “Chibwe nakulishindakenya yami mwene, hindu shindakenyo yami yili yamwenemwene, mumu ngunanyingika kuze nakatukile ni kuze ngunayi. Alioze yenu kunwanyingikine kuze nakatukile ni kuze ngunayi.

Yoano 8:14 Iomraidhean Croise

Yishima 8:7

Mumu kanwa liami mulihanjika umwenemwene; ungulungulu wapwa chizelwokeso ku mivumbo yami.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Yoano 10:15

chizechene ngwe Tata kanangunyingika, ni yami ngunanyingika Tata; mungutumbika mwono wami hali mapanga.

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 14:10

Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Yoano 16:28

Nakatukile kuli Tata, hinguneza hashi; cheka nawa, munguhichika hashi, munguya kuli Tata.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 5:31

Kachi mungushindakenya hali yami mwene, kachi Shindakenyo yami hi yamwenemwene ko.

Yoano 8:42

Yesu wambile kuli ayo ngwenyi, Kachi Zambi kapwa Tatenu, kachi nwanguzanga: mumu natuhukile kuli Zambi; ngunakatuka kuli iye; mumu chipwe chalijilile yami mwene, alioze iye wangutumine.

2 Korintu 11:31

Zambi kanda Tato ya Mwene Yesu Kristu, yoze wafumuna ndo ku miaka ya mutolo, kananyingika chishi kuhanjika mahuza.

2 Korintu 12:11

Ngunapu Chizuzuke, nyi? Yenu nwachilinga; mumu chatamba kachi yenu munungusangalisa: mumu chasalile kunyima lia waze apostolo ahiana, nichimwe, chipwe nguli wamokomoko.

2 Korintu 12:19

Nunashinginyeka shimbu lino lieswe ngwe tunalisambisa kuli yenu, nyi? Tunahanjika kumeso ja Zambi muli Kristu: alioze yuma yeswe tunalingi kuli yenu, akwetu a Zango, tunayilingi hanga tukanukolese.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,