Yoano 7:7 - MUKANDA USANDU WA ZAMBI 1975

⁷ Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

Mukanda Wa Zambi 1970

⁷ Akwa hashi kaahashile kunuvutwokela, alioze yami kaakunguvutwokela mumu nakwashindakenya ngwami, yitanga yize akulinga yili ya ungulungulu.

Yoano 7:7 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Miaso (Masamu) 109:5

O hanangwehe yipi ha yipema. Hananeha kole ha zango liami.

Yishima 15:12

Mukwa kulenya keshi kuzanga yoze mamukanjisa. Kechi kulikundama ni mukwa mana.

Yishima 8:36

Alioze mweswe manguvulumuna malumbula mwono wenyi; yoze akulinwa ni yami kanazange kufwa.

Izaya 29:21

waze te ha liji limuwika kakupwisa mutu chivulumunyi. Yoze makanjisa mamutela muheto mu chikolo; yoze unasambe mamupiangula ni ungaji wamokomoko.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Jeremia 20:8

Mumu cheswe munguhanjika nakuteta kwilu. Nakutambika ngwami, Upupilo ni kwonwona! Mumu liji lia Yehova hilialumuka kuli yami luchoko ni sau tangwa lieswe nganganga.

Alevi 13:10

Sasendote mamutala mba nyi kwapwa chijimbo chitoma mu kowa, ni we wona hiwalumuka utoma, ni ye yifwo yachila ngé mu chijimbo,

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Luka 6:26

Lamba lienu, muze atu eswe manuchichimieka! mumu chizechene akako alingile kuli aprofeta a kwonga.

Yoano 17:14

Hingunahe liji lie; hi akwa hashi Kanaavwila kole, mumu o hi akwa hashi ko, chizechene ngwe yami hi nguli mukwa hashi ko.

Yoano 3:19

Uno we upatwilo, ngwo, Pangu hilineza hano hashi, ni atu azangile milima, hi pangu ko; mumu yitanga yo yapwile ya ungulungulu.

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

Galashia 4:16

Mba hinalumuka mukwa kole yenu ha kunwambulwila umwenemwene, nyi?

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Yoano 4:5

O akwa hashi: kashika kakuhanjika ya hano hashi, ni akwa hashi kakwevwa.