Yoano 7:4 - MUKANDA USANDU WA ZAMBI 1975

⁴ mumu niumwe malinga chimwe ku tenga, kachi anafupu kufumana kuli eswe. Kachi wakulinga yino yuma, lisolole kuli akwa hashi.

Mukanda Wa Zambi 1970

⁴ Niumwe masweka yize akulinga, nyi kanazange amunyingike. Yena wakulinga yitanga ngwe yize. Chinalite uye ukayilinge ku meso ja akwa hashi eswe, hanga akamone.”

Yoano 7:4 Iomraidhean Croise

1 Yitanga Ya Mianangana 22:13

Kanganda yoze wayile kusaka Mikaia yamba kuli iye ngwenyi, Tala maliji ja aprofeta eswe apwa apema kuli mwanangana—shimbi jimuwika. Kashika liji lie lipwe ngwe liji lio; hanjika kama chipema.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Mateu 4:6

yamba kuli iye ngwenyi, Kachi yena uli mwe Mwana Zambi, limbile hashi; mumu chinasonewa ngwo, Kumakahana shimbi kuli angelo jenyi ha kutwala kuli yena: ha moko jo kumakakumbata, kuchina muhukana chiliato che ku liwe.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Luka 6:45

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 7:3

Ana-akwo kashika ambile kuli iye ngwo, Katuka kuno, uye ku Yundeya, hanga tumbaji twe nawa akamone yitanga ye, yize wakulinga;

Yoano 7:5

Mumu chipwe ana-akwo kamufulielele.