Yoano 7:39 - MUKANDA USANDU WA ZAMBI 1975

³⁹ Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Mukanda Wa Zambi 1970

³⁹ (Yachamba hakutwala ku Mwiku wa Linanga uze akwa kufuliela maakatambula. Alioze shimbu lize Mwiku te kanda uchiza, mumu Yesu kanda achinjila mu uhenya wenyi.)

Yoano 7:39 Iomraidhean Croise

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Izaya 12:3

Mukawahilila shimbu mukataha meya ku mafuji a ulamwino.

Izaya 32:15

Ndo mwilu matuzukwila Spiritu ni puya muyalumuka munda wa chinuno, ni munda wa chinuno maumona ngwe usaki.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Mateu 16:14

Ambile ngwo, Amwe ngwo, Yoano Chipapachisa; akwo ngwo, Eliya; ni akwo ngwo, Jeremia, hanji umwe wa kuli aprofeta.

Mateu 21:11

Mbunga ambile ngwo, Yono mwe profeta Yesu yoze wa ku Nazare, limbo lia mu Ngalileya.

Luka 24:49

Nyingikenu, mungutuma chilakenyo cha Tata hali yenu: alioze twamenu mu limbo ndo manujika ni tachi ja mwilu.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Yoano 1:21

O amuhulile ngwo, Mba kuchi, yena uli Eliya, nyi? Iye yamba ngwenyi, Hi yami ko. Ngwo, Yena uli mwe profeta, nyi? Iye wakumbulwile ngwenyi, Ka.

Yoano 1:25

Amuhulile, ngwo, Mba kuchi te wakupapachisa atu, kachi yena hi uli mwe Kristu ko, chipwe Eliya, chipwe mwe profeta?

Yoano 1:33

Ami chamunyingikine; alioze yoze wangutumine mukupapachisa mu meya, wambile kuli yami ngwenyi, Hali mweswawo mukamona Spiritu kanahulumuka nikutwama hali iye, mwenawo yoze mapapachisa muli Spiritu Musandu.

Yoano 12:16

Yino yuma tumbaji twenyi kayinyingikine hatangu; alioze muze te Yesu hanjila mu uhenya wenyi, hohene ewulukile ngwe yino yuma yasonewene hali iye, ngwe alingile yino yuma kuli iye.

Yoano 12:23

Yesu yaakumbulula, ngwenyi, Ola hiyeza, mwe Mwana Mutu akanjile mu uhenya wenyi.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 16:14

Kumakanguchichimieka, mumu makatambula yuma yami, makanwambulwilayo.

Yoano 16:7

Alioze ngunambe umwenemwene kuli yenu ngwami, Chinafumbuka hali yenu kachi munguya; mumu kachi chichi kuya, kachi Chikwashi kechi kwiza kuli yenu; alioze kachi munguya, kachi mungukamutuma kuli yenu.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yoano 20:22

Muze te hamba chino, wahwimine hali ayo, yamba kuli ayo ngwenyi, Tambulenu Spiritu Musandu:

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

Yoano 8:54

Yesu wakumbulwile ngwenyi, Kachi ngunalichichimieka, kachi uhenya wami wamokomoko: yoze wakunguchichimieka mwe Tata; yoze nwakwamba ngwenu, Iye Zambi yetu.

Yilinga 19:2

wambile kuli ayo ngwenyi. Nwatambwile Spiritu Musandu muze nwafulielele, nyi? Ngwo, Ka, kutwevwile chipwe kachi Spiritu Musandu heza.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

2 Korintu 3:8

Mba uvumbiko wa Spiritu kuuchi kuhiana ni uhenya, nyi?

Efesu 4:30

Kanda nuvwisa chinyengo Spiritu Musandu wa Zambi, yoze muli iye hananujiki ni Chijikilo ndo tangwa lia ukule.