Yoano 7:32 - MUKANDA USANDU WA ZAMBI 1975

³² A-Fwariseu evwile mbunga nikulinyenyeta yino yuma ha kutwala kuli iye; asasendote akwa lutwe ni A-Fwariseu atumine tupita, hanga akamukwate.

Mukanda Wa Zambi 1970

³² Afariseu yeevwa kulinyenyeta cha mbunga hakutwala kuli Yesu. Kashika ayo ni mahako a lutwe a Zambi yaatuma tufunga twa zuwo lia Zambi hanga akamukwate.

Yoano 7:32 Iomraidhean Croise

Mateu 12:14

Alioze A-Fwariseu atuhukile, amutwamine punga chize mahasa kumwonwona.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 26:58

Petulu wamukawile kanonajila, ndo ku yize ya sasendote mukwa lutwe, neye wanjilile, Watwamine hamwe ni tupita, akamone songo.

Yoano 11:46

Alioze amwe a kuli ayo ayile kuli A-Fwariseu, o ambile kuli ayo yuma yize alingile Yesu.

Yoano 12:19

A-Fwariseu kashika aliambile hakachi ko ngwo, Nunamono ngwe kunushi kulinga nichimwe; talenu, akwa hashi eswe hanayi kunyima yenyi.

Yoano 18:3

Yundase kashika te hatambula mbunga ya atu ni tupita kuli asasendote akwa lutwe ni A-Fwariseu, yaheta kuze ni masoka ni temo ni yitwa.

Yoano 7:30

Afupile kashika kumukwata, alioze niumwe kamukwachile, mumu ola yenyi kanda yichiza.

Yilinga 5:26

Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.

1 Samuel 19:20

Saulu yatuma tunganda kukwata David. O muze hamona mbunga ya aprofeta kanaprofeteza ni Samuel kanamana mukwa lutwe hakachi ko, Spiritu ya Zambi yahulumukina hali tunganda twa Saulu no nawa aprofetezele.