Yoano 7:31 - MUKANDA USANDU WA ZAMBI 1975

³¹ Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Mukanda Wa Zambi 1970

³¹ Alioze mukachi ka mbunga anji yaamufuliela nikwamba ngwo: “Muze Chilamwina yoze Zambi alakenyene makeza, kuma makalinga yilayi yahiana ya mutu yono, nyi?”

Yoano 7:31 Iomraidhean Croise

Mateu 12:23

Ni mbunga jeswe alishikishilile, ambile ngwo, Yono mwe mwana David, nyi?

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Yoano 11:45

Anji kashika a kuli A-Yunda waze ejile kuli Maria, ha kumona chize alingile Yesu, amufulielele.

Yoano 12:11

mumu te hali iye anji a kuli A-Yunda apwile nikuya, nikufuliela Yesu.

Yoano 12:42

Chipwe chocho, hindu anji a kuli akwa kuyula akamufuliele; alioze mumu hali A-Fwariseu kamutayijileko, kuchina makaakatwisa ku sunangonga:

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 4:29

Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Yoano 4:39

Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile.

Yoano 6:2

Mbunga yinene amukawile, mumu amwene yilayi yize alingile hali mieji.

Yoano 7:26

Kumanyi, kanahanjika mwazu, o keshi kwamba nichimwe kuli iye! Kuma, akwa kuyula chamwenemwene kananyingika ngwo, Iye mwe Kristu, nyi?

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.

Yilinga 8:13

Semone mwene wafulielele: ni muze te hamupapachisa, wanyongonwene ni Fwilipe; iye, ha kumona yipupu yize alingile, walishikishilile.

Tiangu (Jake) 2:26

Mumu chizechene ngwe mujimba kuushi Spiritu kuunafu, chocho nawa Ufulielo kuushi yitanga kuunafu.