Yoano 7:27 - MUKANDA USANDU WA ZAMBI 1975

²⁷ Alioze yono tunanyingika kuze anakatuka; alioze muze Kristu meza niumwe manyingika kuze makatuka.

Mukanda Wa Zambi 1970

²⁷ Alioze muze Chilamwina yoze Zambi alakenyene makeza, niumwe makanyingika kuze anakatuka. Hakutwala kuli yono tunanyingika kuze anakatuka.”

Yoano 7:27 Iomraidhean Croise

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 53:8

Amushihile ni yihungumiona ni upatwilo; mba hakachi ka akwa chisemuko chenyi iya wachizewile ngwenyi, Amusutwile ku chifuchi cha akwa mwono, amulambile mumu ha Utanguko wa atu jami?

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Marku 6:3

Yono hi karpinteru ko, nyi? Mwana Maria, yayo ya Tiangu, ni José, ni Yunda, ni Semone, nyi? Ni mapangienyi keshi kuno hamwe ni yetu, nyi? O amuvwilile wuli.

Luka 4:22

Eswe amushindakenyene, nikukomoka ha maliji a vumbi aze atuhukile mu kanwa lienyi; no ambile ngwo, Yono hi mwana José ko, nyi?

Yoano 6:42

O ambile ngwo, Yono hi Yesu mwana José ko, nyi? Tato ni naye kutwaanyingikine, nyi? Mba ngwe kuchi anambe ngwenyi, Hingunahulumuka mwilu.

Yoano 7:15

Kashika A-Yunda akomokene, ngwo, Ngwe kuchi yono analongoloka se kalilongesele nilimwe tangwa.

Yoano 9:29

Tunanyingika Zambi wahanjikile kuli Mose; alioze hali yono mutu, kutwanyingikine kuze anakatuka.

Yilinga 8:33

Ha kumulelesa, achijile upatwilo wenyi: mba iya makambulula chisemuko chenyi? Se mwono wenyi unasutuka hano hashi.