Yoano 7:26 - MUKANDA USANDU WA ZAMBI 1975

²⁶ Kumanyi, kanahanjika mwazu, o keshi kwamba nichimwe kuli iye! Kuma, akwa kuyula chamwenemwene kananyingika ngwo, Iye mwe Kristu, nyi?

Mukanda Wa Zambi 1970

²⁶ Talenu kanahanjika mwazu, alioze ayo keeshi kumwamba nichimwe! Kuma akwa lutwe kaananyingika chamwenemwene ngwo, awu mwe Chilamwina yoze Zambi alakenyene, nyi?

Yoano 7:26 Iomraidhean Croise

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Izaya 42:4

Kechi kakokoloka hanji kuhonga ndo hanakolesa ululi hano hashi. Akwa mbaka kanatwaminyina shimbi yenyi.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Luka 23:13

Pilatu muze hakungulula asasendote akwa lutwe ni akwa kuyula ni atu,

Luka 7:30

Alioze A-Fwariseu ni akwa shimbi alitunyine ha kutwala kuli ayo ene mana ja Zambi, se kaapapachishile kuli iye.

Yoano 12:42

Chipwe chocho, hindu anji a kuli akwa kuyula akamufuliele; alioze mumu hali A-Fwariseu kamutayijileko, kuchina makaakatwisa ku sunangonga:

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 3:1

Achi, kwapwile mutu wa kuli A-Fwariseu, jina lienyi Nikondemu, mukwa kuyula hakachi ka A-Yunda.

Yoano 4:29

Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Yoano 7:25

Amwe kashika a kuli waze a ku Yerusaleme ambile ngwo, Kuma, yono hi yoze ko akufupa kumushiha, nyi?

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Yoano 7:48

Umwe wa kuli akwa kuyula hanamufuliela, nyi? Chipwe wa kuli A-Fwariseu, nyi?

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.