Yoano 7:24 - MUKANDA USANDU WA ZAMBI 1975

²⁴ Kanda nukapatula nikulita ni meso jenu, alioze patulenu upatwilo wa ululi.

Mukanda Wa Zambi 1970

²⁴ Muze nwakubatula milonga, litwaminenu kutala ku meso, alioze batulenu nikulita ni ululi.”

Yoano 7:24 Iomraidhean Croise

Miaso (Masamu) 82:2

Ndo mwiji muka munupatula ni uhenge nikulemesa mijimba ya yingulungulu?(Litulike.)

Yishima 17:15

Yoze masambisa chingulungulu ni yoze mahisa mukwa ululi, eswe ni aali kapwa chizelwokeso kuli Yehova.

Yishima 24:23

Yino nawa yambo ya mukwa mana. Kupwa ni katonde ha kupatula, kuchapemene.

Izaya 5:23

Kakusambisa chingulungulu mumu ha kutambula chindo, mba kakumina upatwilo kuli mukwa kusamba.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Yoano 7:25

Amwe kashika a kuli waze a ku Yerusaleme ambile ngwo, Kuma, yono hi yoze ko akufupa kumushiha, nyi?

Yoano 8:15

Yenu nwakupatula nikulita ni musunya; yami chishi kupatwila niumwe.

2 Korintu 10:7

Yenu nwakutala yuma yili kulutwe lia meso jenu. Kachi umwe malikolela ngwenyi, Yami wa Kristu, ashinginyeke chino cheka nawa ni muli iye mwene, chizechene ngwe iye wa Kristu, chocho nawa yetu tuli a Kristu.

Tiangu (Jake) 2:1

Mandumbu jami, kanda nukapwa ni katonde hamwe ni Ufulielo wa Mwene Yesu Kristu, mwe Mwene wa uhenya.

Tiangu (Jake) 2:4

kunwasele katonde hakachi ka yenwene, nyi? Kunwalipwishile sopi ni manyonga ja ungulungulu, nyi?

Tiangu (Jake) 2:9

Alioze kachi munupwa ni katonde, kachi munuvulumuna, makukumika ku shimbi ngwe yitanguke.