Yoano 7:23 - MUKANDA USANDU WA ZAMBI 1975

²³ Kachi mutu matambula ungalami ha tangwa lia Sambata, hanga kechi katangula shimbi ya Mose; nunevu matoto ni yami, mumu napwishile mutu mungunu liakulu ha tangwa lia Sambata, nyi?

Mukanda Wa Zambi 1970

²³ Nyi yenu nwakupwisa mwana lunga ngalami ha tangwa lia kuhwima, mumu kunwazangile kushiha Shimbi ja Mose, mba kuchi nunevu wuli mumu hali yami ha chize ngunakapwisa mutu mungunu ha tangwa lia kuhwima?

Yoano 7:23 Iomraidhean Croise

Kutuhuka 31:14

Kashika nukafunge ye Sambata, mumu kuyapwa yisandu kuli yenu. Mweswawo mayijilula akamushihe lume, mumu mweswawo makalingaho milimo, akatete mwe mutu hakachi ka atu jenyi.

Mateu 12:10

Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Mateu 12:2

Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Mateu 12:5

Hanji kunwatangile mu shimbi ngwe ha masambata, asasendote mu tembele kakutangula Sambata hindu keshi chitela, nyi?

Yoano 5:10

Kashika A-Yunda ambile kuli yoze wahindukile ngwo, Musono lie tangwa lia Sambata; kuchalitele ni shimbi kumbata chalo che.

Yoano 7:21

Yesu waakumbulwile ngwenyi, Nalingile chitanga chimuwika mba yenu eswe nunachikomoka.

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.