Yoano 7:20 - MUKANDA USANDU WA ZAMBI 1975

²⁰ Mbunga akumbulwile ngwo, Yena ndemoniu ukwete: iya unafupu kukushiha?

Mukanda Wa Zambi 1970

²⁰ Mbunga ngwo: “Mwiku wa luchisa ukwete. Iya unazange kukushiha?”

Yoano 7:20 Iomraidhean Croise

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 9:34

Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Marku 3:30

Mumu ambile ngwo, Spiritu ya luchisa akwete.

Yoano 10:20

Anji a kuli ayo ambile ngwo, Ndemoniu akwete, kanazaluka; kuchi te nunamwivu?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yoano 8:49

Yesu wakumbulwile ngwenyi, Ndemoniu chishi nenyi; alioze nakulemesa mwe Tata, ni yenu nwakungusaula.

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.

Yilinga 26:24

Shimbu machihanjika ha yino yuma ha kulisambisa chenyi, Fesetu yamba ni liji linene ngwenyi, Paulu, unazaluka; kulilongesa che chinji chinakuzalwisa.