Yoano 7:19 - MUKANDA USANDU WA ZAMBI 1975

¹⁹ Mose wanuhele shimbi, nyi? Hindu niumwe wa kuli yenu wakulinga shimbi. Kuchi te nunafupu kungushiha?

Mukanda Wa Zambi 1970

¹⁹ Mose hananwehe Shimbi, nyi? Hindu niumwe hakachi kenu wakujifunga. Kuchi kevwe nwakuzanga kungushiha?”

Yoano 7:19 Iomraidhean Croise

Mateu 12:14

Alioze A-Fwariseu atuhukile, amutwamine punga chize mahasa kumwonwona.

Mateu 21:38

Alioze njimi, muze amwene mwanenyi, aliambile hakachi ko ngwo, Yono mwe swana, tumushihenu, tukatambule chihinga chenyi.

Marku 11:18

Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Marku 3:4

Mba yamba kuli ayo ngwenyi, Muchilita ni shimbi kulinga yipema ha tangwa lia Sambata nyi, shina kulinga yipi? Shina kulamwina mwono, nyi shina kushiha? Alioze aholele kulungunga kwo.

Marku 3:6

A-Fwariseu atuhukile, ni haze hene hamwe ni A-Heronde amutwamine punga hamuwika, ngwe chize mahasa kumwonwona.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Yoano 10:39

Afupile kashika cheka nawa kumukwata: iye wakatukile kuli ayo.

Yoano 11:53

Chize ku tangwa lize kashika atwamine punga hanga akamushihe.

Yoano 5:16

Ha chikuma chino A-Yunda ahungumionene Yesu, mumu walingile yino yuma ha tangwa lia Sambata.

Yoano 5:18

Ha chikuma chino kashika A-Yunda afupile kuhiana kumushiha; kuchapwile mumu hatangula Sambata wika, ka, alioze wambile nawa ngwenyi, Zambi iye Tata, nikulitesa ni Zambi.

Yoano 5:45

Kanda nukashinginyeka ngwe yami mungukanusuma kuli Tata; kwali yoze wakunusuma ngwami, Mose, yoze kuli iye nwakutalatala.

Yoano 7:1

Kulutwe lia yino yuma, Yesu wendele mu Ngalileya; mumu kazangile kwenda mu Yundeya, mumu A-Yunda afupile kumushiha.

Yoano 7:25

Amwe kashika a kuli waze a ku Yerusaleme ambile ngwo, Kuma, yono hi yoze ko akufupa kumushiha, nyi?

Yilinga 7:38

Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho:

Galashia 3:19

Mba shimbi yaka? Ayiwezele mumu ha Utanguko, ndo we munyachi muwiza, yoze amuhele chilakenyo; ayikolesele kuli angelo, mu kwoko lia chitakanyishi.

Galashia 6:13

Mumu chipwe waze matambula ungalami ayo ene keshi kufunga shimbi; alioze kanazange akanupwise ngalami, hanga akalisambe mu musunya wenu.

Shimbi 1:17

Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Shimbi 33:4

Mose yatwaha shimbi, ayo chihinga cha chikungulwila cha Yakomba.