Yoano 7:18 - MUKANDA USANDU WA ZAMBI 1975

¹⁸ Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Mukanda Wa Zambi 1970

¹⁸ Mutu yoze wakuhanjika mu chiyulo chenyi mwene, kakufupa lufuma wenyi mwene. Alioze yoze Wakufupa lifuma wa yoze wamutumine, kakuhanjika umwenemwene, keshi kaliongelo.

Yoano 7:18 Iomraidhean Croise

Yishima 25:27

Kuchapemene kulia wuchi wunji naye; chocho atu aze mafupa ulemu wo ene acho hi ulemu ko.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Yoano 11:4

Alioze muze Yesu achivwile, wambile ngwenyi, Kuyiza chino hi cha kufwa ko, alioze cha kuneha uhenya kuli Zambi, hanga akachichimieke nacho mwe Mwana Zambi.

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

Yoano 12:43

mumu azangile uhenya wa atu, hi uhenya wa Zambi ko.

Yoano 5:41

Chishi kutambula uhenya kuli atu.

Yoano 8:54

Yesu wakumbulwile ngwenyi, Kachi ngunalichichimieka, kachi uhenya wami wamokomoko: yoze wakunguchichimieka mwe Tata; yoze nwakwamba ngwenu, Iye Zambi yetu.

1 Tesalonika 2:6

chipwe tukafupe uhenya kuli atu, chipwe kuli yenu, chipwe kuli akwo, ka, muze te twahasa kunulemena ngwe apostolo ja Kristu.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.

1 Yoano 2:29

Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.