Yoano 7:17 - MUKANDA USANDU WA ZAMBI 1975

¹⁷ Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Mukanda Wa Zambi 1970

¹⁷ Yoze wakuzanga kulinga chize Zambi anazange, manyingika nyi longeso liami lili lia Zambi hanji lia yami mwene.

Yoano 7:17 Iomraidhean Croise

Miaso (Masamu) 119:10

Kunakufupa ni mbunge yami yeswe. Kanda ungutayiza kama kupianguka ku shimbi je.

Miaso (Masamu) 25:12

Mutu yoze wakuvwila woma Yehova iya? Mwenawo mamulongesa jila yize mayitongola.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Yishima 28:5

Upatwilo kuwalumbunukine kuli atu api; alioze yuma yeswe yinalumbunuka kuli waze akufupa Yehova.

Yishima 3:32

mumu mukwa kupiya kapwa chizelwokeso kuli Yehova, alioze kakulikata ni mukwa ululi.

Izaya 35:8

Kumukukapwa tapalo, jina lialio Tapalo Lisandu. Akwa luchisa kechi kapalikako ni akwa kupalikako kechi kapiasuka, chipwe mapwa yihepuke.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 6:22

Ndeya ya mujimba, liso: kashika kachi liso lie mulipwa Ungunu, kachi mujimba we weswe muuzala tò ni pangu.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Yoano 3:21

Alioze yoze wakulinga umwenemwene kakwizaza ku pangu, hanga akasolole yitanga yenyi, hanayilingi muli Zambi.

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

Yilinga 17:11

Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.