Yoano 6:7 - MUKANDA USANDU WA ZAMBI 1975

⁷ Fwilipe wamukumbulwile ngwenyi, Mbolo ja kufwika kulakaji aali a mbongo kujishi kuheta hali ayo, hanga mweswe wa kuli ayo akatambule chimwe chikepe.

Mukanda Wa Zambi 1970

⁷ Filipe ngwenyi: “Chibwe kulakaji jaali ja mbongo kutwahashile kulanda najo mbolo jinazuku hanga mutu ni mutu atambule kachihanda.”

Yoano 6:7 Iomraidhean Croise

1 MIANANGANA 4:43

Alioze kavumbi kenyi yamba ngwenyi, Kuchi? Te munguhasa kusa kulia chino kumeso ja kulakaji lia malunga? Alioze yamba ngwenyi, Hanenu kuli atu, alie, mumu Yehova kanambe ngwenyi, Kumalia, kumahichika kulia.

Mateu 18:28

Alioze yoze ndungo ha kutuhuka, wawanyine umwe ndungo-ni-mukwo, yoze wapwile ni kongo kuli iye lia kulakaji lia mbongo: wamukwachile, wamwokele ku muliwu, ngwenyi, Ngufwete kongo liami.

Marku 6:37

Alioze waakumbulwile, ngwenyi, Ahenu kulia. O yamba kuli iye ngwo, Tuye, tukalande mbolo ya kufwika kulakaji aali a mbongo, tukaahe kulia, nyi?

Yoano 1:43

Muze hikwacha, Yesu wazangile kuya ku Ngalileya, iye yawana Fwilipe; yamba kuli iye ngwenyi, Ngukaule.

Yoano 1:44

Achi, Fwilipe wapwile wa ku Mbeteseta, lie limbo lia Andeleu ni Petulu.

Yoano 1:45

Fwilipe yawana Natanele, yamba kuli iye ngwenyi, Hitunawane yoze asonekene Mose mu mikanda ya shimbi, ni aprofeta nawa, Yesu wa ku Nazare, mwana José.

Yoano 1:46

Natanele yamba kuli iye ngwenyi, Chuma chipema muchihasa kukatuka ku Nazare, nyi? Fwilipe yamba kuli iye ngwenyi, Tweya utale.

Yoano 1:48

Natanele yamba kuli iye ngwenyi, Kulihi yena unangunyingikina? Yesu wamukumbulwile, ngwenyi, Muze te Fwilipe kanda akutambika, muze wapwanga mushi lia mukuyu, nakumonanga.

Yoano 12:5

Kuchi te kalanjishile yitumbo yino ha kulakaji atatu a mbongo, akajihane kuli yiswale?