Yoano 6:61 - MUKANDA USANDU WA ZAMBI 1975

⁶¹ Alioze Yesu se kananyingika muli iye mwene ngwe tumbaji twenyi alinyenyetene ha chino, wambile kuli ayo ngwenyi, Chino chinanutalingisa, nyi?

Mukanda Wa Zambi 1970

⁶¹ Yesu yanyingika ngwenyi, tumbaji twenyi kaanalinyenyeta ha chikuma chino. Kashika yaahula ngwenyi: “Chino chinanutalingisa, nyi?

Yoano 6:61 Iomraidhean Croise

Mateu 11:6

Kawaha mweswawo keshi kuwana chitalingiso muli yami.

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Yoano 16:19

Achi, Yesu wanyingikine ngwe azangile kumuhula, iye wambile kuli ayo ngwenyi, Nunalihuta ha chino hakachi kenu, nyi? Ngwe hinamba ngwami, Shimbu likepe kunushi kungumona; ni cheka nawa shimbu likepe, mba munukangumona?

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yoano 6:64

Alioze kwali amwe a kuli yenu keshi kufuliela. Mumu Yesu wanyingikine chize ku uputukilo waze kafulieleleko, ni yoze mamukunjika.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.