Yoano 6:57 - MUKANDA USANDU WA ZAMBI 1975

⁵⁷ Chizechene ngwe Tata mukwa mwono wangutumine, ni yami nguli ni mwono mumu hali Tata; chocho yoze mangulia, iye nawa kumapwa ni mwono mumu hali yami.

Mukanda Wa Zambi 1970

⁵⁷ Tata yoze wangutumine mwono akwete, ni yami nguli ni mwono mumu hali iye. Chimuwika nawa, yoze mangulia kumabwa ni mwono mumu hali yami.

Yoano 6:57 Iomraidhean Croise

Miaso (Masamu) 18:46

Yehova katwama ni mwono; liwe liami, afumane. Zambi ya ulamwino wami anangame.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 6:29

Yesu waakumbulwile, ngwenyi, Chino che chitanga cha Zambi, hanga nukafuliele yoze hanamutumu iye.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

1 Korintu 15:22

Mumu chizechene ngwe muli Alama eswe anafu, chocho nawa muli Kristu makapwisa eswe ni mwono.

1 Korintu 15:45

Chocho nawa chinasonewa ngwo, Mutu mutangu Alama wapwile mukwa mwono. Alama wa kusula kapwa Spiritu wa kuhana mwono.

2 Korintu 13:4

Mumu amuliachilile ha kulusu mu ulelu, hindu katwama ni mwono ku tachi ja Zambi. Mumu yetu nawa tunalele muli iye, alioze kumutukatwama ni mwono hamwe nenyi ku tachi ja Zambi kuli yenu.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

1 Yoano 4:9

Muno hanasolola zango lia Zambi ha kutwala kuli yetu, te Zambi hanatumu Mwanenyi wa wika hano hashi, hanga tukapwe ni mwono kuli iye.