Yoano 6:54 - MUKANDA USANDU WA ZAMBI 1975

⁵⁴ Yoze malia musunya wami, manwa manyinga jami, mwono wa mutolo ali nawo; kumungukamuhindwisa ha tangwa lia kusula.

Mukanda Wa Zambi 1970

⁵⁴ Yoze malia musunya wami ni manwa manyinga jami, mwono wa miaka yeswe ali nawo. Ni yami mungukamuhindwisa ha tangwa liakusula.

Yoano 6:54 Iomraidhean Croise

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yoano 6:47

Pundu, pundu, ngunambe kuli yenu ngwami, Yoze mafuliela, mwono wa mutolo ali nawo.

Yoano 6:55

Mumu musunya wami kulia chamwenemwene, ni manyinga jami kunwa chamwenemwene.

Yoano 6:63

Yoze wakupwisa ni mwono, mwe Spiritu; musunya kuushi kufumbuka nichimwe; maliji aze ngunahanjika kuli yenu, Spiritu ni mwono.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.