Yoano 6:52 - MUKANDA USANDU WA ZAMBI 1975

⁵² Kashika A-Yunda alihangulwile hakachi ko ngwo, Ngwe kuchi yono mahasa kutwaha musunya wenyi mukulia?

Mukanda Wa Zambi 1970

⁵² Ha chino, Ayuda yaalihamika kuhiana ngwo: “Ngwe kuchi mutu yono mahasa kutwaha musunya wenyi mu kuulia?”

Yoano 6:52 Iomraidhean Croise

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

Yoano 10:19

Kwapwile kulihandununa cheka nawa hakachi ka A-Yunda mumu ha maliji ano.

Yoano 3:4

Nikondemu yamba kuli iye ngwenyi, Ngwe kuchi mutu mahasa kusemuka muze mapwa mukulwana? Mahasa kunjila chisuho chamuchiali mu jimo lia naye akasemuke, nyi?

Yoano 3:9

Nikondemu wamukumbulwile ngwenyi. Ngwe kuchi yino yuma muyihasa kupwa?

Yoano 4:11

Pwo yamba kuli iye ngwenyi, Mwene, yena kushi nichimwe cha kuswita nacho, ni shima lisuku, mba kulihi unatambula meya a mwono?

Yoano 6:41

Kashika A-Yunda alinyenyetene hali iye, mumu wambile ngwenyi, Mbolo yize yahulumukine mwilu yami.

Yoano 6:60

Anji kashika a kuli tumbaji twenyi muze evwile chino, ambile ngwo, Liji lino likalu; iya mahasa kulivwa?

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.

Yilinga 17:32

O muze evwile ha Uhindukilo wa afu, amwe achimbungwine; ni akwo ambile ngwo, Mutukakwivwa ha chino tangwa likwo.

1 Korintu 2:14

Achi, mutu wa musunya keshi kutambula yuma ya Spiritu ya Zambi: mumu yinapu uhepuke kuli iye; iye kahashile kuyinyingika, mumu kakuyisa chinyingi ni Spiritu.