Yoano 6:51 - MUKANDA USANDU WA ZAMBI 1975

⁵¹ Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Mukanda Wa Zambi 1970

⁵¹ Yami nguli mbolo yize yakupwisa atu ni mwono, hingunahulumuka mwilu. Nyi mutu malia mbolo yino, kumabwa ni mwono wa miaka yeswe. Mbolo yize mungumwaha, musunya wami, nakuuhana hanga akwa hashi abwe ni mwono.”

Yoano 6:51 Iomraidhean Croise

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Luka 22:19

Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 11:26

Ni mweswe uli ni mwono, mangufuliela, kechi kafwa nichimwe ndo ku miaka ya mutolo; Unafuliela chino, nyi?

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 3:14

Chizechene ngwe Mose azundwile kapela mu puya, chocho chatamba kuzundula mwe Mwana Mutu;

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:35

Yesu wambile kuli ayo ngwenyi, Mbolo ya mwono yami; yoze meza kuli yami kechi kevwa zala nichimwe, ni yoze mangufuliela yami kechi kevwa pwila nichimwe ha mwaka niumwe.

Yoano 6:41

Kashika A-Yunda alinyenyetene hali iye, mumu wambile ngwenyi, Mbolo yize yahulumukine mwilu yami.

Yoano 6:47

Pundu, pundu, ngunambe kuli yenu ngwami, Yoze mafuliela, mwono wa mutolo ali nawo.

Yoano 6:48

Mbolo ya mwono yami.

Yoano 6:50

Yino ye mbolo yize yinahulumuka mwilu, hanga umwe akayilie, mba kechi kafwa.

Yoano 7:38

Yoze mangufuliela, ngwe chisoneko hichinambe ngwo, Muchima lienyi njiji ja meya a mwono kumujituhwoka.

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Efesu 5:25

Yenu malunga, zangenu akwenumapwo, chizechene ngwe Kristu nawa wazajayile chikungulwila, walikunjikile ha chiyo;

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 10:20

ku jila yize hanatuputukilayo, jila yaha, ya mwono, ku chikalakala cha hina, chenacho musunya wenyi;

1 Petulu 2:4

Nwakwiza kuli iye, ngwe ku liwe lia mwono, alitunyinelio chamwenemwene kuli atu, aiioze kuli Zambi Hapwa lia kutongola, lilemu.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

1 Yoano 4:10

Muno mulili zango, kuchapwile ngwe yetu twazangile Zambi, aiioze iye watuzangile yetu, watumine Mwanenyi kupwa kuka ha milonga yetu.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.