Yoano 6:44 - MUKANDA USANDU WA ZAMBI 1975

⁴⁴ Niumwe mahasa kwiza kuli yami shina mwe Tata wangutumine mamukoka; mungukamuhindwisa ha tangwa lia kusula.

Mukanda Wa Zambi 1970

⁴⁴ Niumwe mahasa kwiza kuli yami, shina Tata yoze wangutumine mamukoka. Ni yami mungukamuhindwisa ha tangwa liakusula.

Yoano 6:44 Iomraidhean Croise

Mwaso Ubema Wahiana 1:4

Ungukoke mutuzomboka kunyima ye. Mwanangana hananguneha ku yipatulo yenyi. Mutulikwiza ni kuwahilila muli yena; mutuhalisa zango lie kuhiana vinyu; chinate akuzange.

Jeremia 13:23

Te Ka-Etiopia mahasa kwalumuna kowa lienyi? Hanji changwi mahasa kwalumuna yipeka yenyi? Nyi o mahasa ni yenu munuhasa kulinga yipema, yenu nwalijilila nikulinga yipi.

Jeremia 31:3

Yehova wasolokele kuli ayo nikukatuka kusuku. Hinanuzanga ni zango lia mutolo, kashika hinakukoka ni utu wa zango.

Hosea 11:4

Naasongwelele ni mihipu ya keke, ni malenge a zango. Nalumukine kuli ayo ngwe yoze makokolola kanga ha mbangachi jo. Nahetaminyine kuli ayo nikwalisa.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Yoano 12:32

Nyi kachi manguzundula hashi, kachi mungukakoka atu eswe kuli yami mwene.

Yoano 5:44

Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Yoano 6:43

Yesu waakumbulwile ngwenyi, Kanda nulinyenyeta hakachi kenu.

Yoano 6:45

Chinasonewa mu mikanda ya aprofeta ngwo, O eswe kumakalongoloka kuli Zambi; kashika mweswe hanevu kuli mwe Tata; lianalilongesa kuli iye, meza kuli yami.

Yoano 6:65

Iye wambile ngwenyi, Ha chikuma chino nambanga kuli yenu ngwami, Niumwe mahasa kwiza kuli yami shina mamwahacho kuli mwe Tata.

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.